500 సంవత్సరాల తర్వాత, అయోధ్యలో రాముడి ఆలయంలో ఈ ఏడాది దీపావళి వేడుకలు ఘనంగా నిర్వహించబడుతున్నాయి. కొత్త ఆలయంలో రామ్ లాలా ప్రతిష్టాపన అనంతరం ఈ వేడుకలు జరగడం ఇదే మొదటిసారి. అందుకుగాను ఈసారి ప్రత్యేక సన్నాహాలు చేపట్టడం జరిగింది దీపాల పండుగ మొదలు కాస్త, స్వామి పుష్పక విమానంలో రాకపాటు వరకు అనేక కార్యక్రమాలు నిర్వహించబడ్డాయి. మంగళవారం సాయంత్రం వరకు జరుగుతున్న ఈ వేడుకలకు కావాల్సిన అన్ని ఏర్పాట్లు ముగించబడ్డాయి. నగరంలోని రోడ్లన్నీ, వీధులు, కూడళ్ళు, సరయూ నదీ తీరాలు లైట్లతో అందంగా అలంకరించబడ్డాయి. ఈ సారి 28 లక్షల దీపాలతో వెలిగించి, గత ఏడాది నమోదైన 25 లక్షల దీపాల గిన్నిస్ రికార్డును క్రాస్ చేయడం కోసం యోగి ఆదిత్యనాథ్ సర్కార్ ప్రత్యేక ఏర్పాట్లు చేసింది. పర్యాటక శాఖ ఈ వేడుకలకు కావాల్సిన అలంకరణలో తక్షణమే ఏజెన్సీలను నియమించింది.
ఈ దైవిక సందర్భంలో కాలుష్యరహిత, హరిత బాణసంచా తయారీలో కొత్త నమూనాలను అంకితం చేశారు. ట్రస్ట్ అధికారులు కూడా కీలక నిర్ణయం తీసుకుని, బాలరాముడి మందిరం అలంకరణలో చైనా వస్తువులను వాడకూడదని నిర్ణయించారు. స్థానికంగా తయారైన హస్తకళలకు ప్రాధాన్యత ఇవ్వాలనే ఉద్దేశంతో ఈ నిర్ణయం తీసుకున్నట్లు పేర్కొన్నారు పర్యావరణ హాని కలగకుండా, అయోధ్యలో బాణసంచా 120 నుంచి 600 అడుగుల ఎత్తులో ఆకాశంలో వెదజల్లబడుతుంది. ఐదు కిలోమీటర్ల పరిధిలో ఉన్న ప్రజలు ఈ అద్భుత దృశ్యాన్ని సులభంగా చూడగలరు. సాయంత్రం సరయూ బ్రిడ్జ్‌పై బాణసంచా కాల్పులతో పాటు, లేజర్ షోలు, ఫ్లేమ్ షోలు, మ్యూజికల్ కంపానీడ్ ప్రదర్శనలు కూడా జరుగనున్నాయి. రామకథా పార్కు సమీపంలోని హెలిప్యాడ్ వద్ద భారత్ మిలాప్ కార్యక్రమం జరగనుంది, ఇక్కడ రాముడు, సీత, లక్ష్మణులు పుష్పక విమానంలో రానున్నారు. ముఖ్యమంత్రి యోగి ఆదిత్యనాథ్ స్వాగతం పలుకుతారు, అలాగే రామకథా పార్కులో శ్రీరామ పట్టాభిషేకం జరుగుతుంది.
ముఖ్యమంత్రి యోగి ఆదిత్యనాథ్ సమక్షంలో సరయూ నది ఒడ్డున 1,100 మంది ప్రత్యేక ‘ఆరతి’ నిర్వహించనున్నారని తెలుస్తోంది. 500 సంవత్సరాల తర్వాత అయోధ్యలో జరగబోయే దీపావళి వేడుకలు చరిత్రాత్మకంగా ఉండనున్నాయని ప్రధాని నరేంద్ర మోదీ తెలిపారు. రామ్ లాలా తన జన్మస్థలానికి చేరుకున్న తర్వాత జరగుతున్న ఈ వేడుకల కోసం ఎన్నో తరాలు ఎదురుచూసాయని, ప్రజలు దీపావళి వేడుకలు కళ్లారా చూడాలని ఆశించి ఉన్నారని చెప్పారు. ఇప్పుడు, ప్రస్తుత తరం గొప్పగా ఈ వేడుకలను జరుపుకోవాలని ప్రధాని మోదీ పిలుపునిచ్చారు ఈ వేడుకలు రాముడి తల్లి భూమి, రాముల వంశానికి చెందిన ప్రజలకు మాత్రమే కాకుండా, దేశవ్యాప్తంగా ఉన్న ప్రతి ఒక్కరికీ స్ఫూర్తిని పంచుతాయని అన్నారు. 500 సంవత్సరాల తర్వాత సంతృప్తిగా జరగబోయే ఈ వేడుకలు, కేవలం ఒక సమయానికి మాత్రమె కాదు, భవిష్యత్తుకు మార్గదర్శిగా కూడా నిలుస్తాయని చెబుతున్నారు.