యాక్టర్‌ సత్యదేవ్‌ (Satyadev) సినిమాల్లో తన ప్రత్యేకతతో ప్రేక్షకుల మనసు గెలుచుకున్న నటుడు. కథను నమ్ముకొని, హిట్ లేదా ఫ్లాప్ తో సంబంధం లేకుండా వేరియేషన్స్ ఉన్న సినిమాలు చేస్తూ ఆయన టాప్ ప్లేస్‌ లో ఉన్నారు. ఈ టాలెంటెడ్‌ యాక్టర్‌ ప్రస్తుతం వరుస ప్రాజెక్టులతో బిజీగా ఉన్నారు వీటిలో ఒకటి “జీబ్రా” ఈ సినిమా డైరెక్టర్‌ ఈశ్వర్‌ కార్తీక్‌ (Eswar Karthik) దర్శకత్వంలో యాక్షన్‌ క్రైమ్‌ ఎంటర్‌టైనర్‌గా రూపుదిద్దుకుంటోంది మేకర్స్‌ ఈ సినిమాను అక్టోబర్ 31న తెలుగుతో పాటు తమిళం మలయాళం కన్నడ హిందీ భాషల్లో గ్రాండ్‌గా రిలీజ్ చేయాలని ముందుగా ప్రకటించినా ఊహించని పరిస్థితుల వలన విడుదల వాయిదా పడింది సినిమా విడుదల తాత్కాలికంగా వాయిదా పడిందని, కొత్త విడుదల తేదీ త్వరలోనే ప్రకటిస్తామని నిర్మాతలు తెలిపారు అయితే వాయిదాకు గల కారణాల గురించి ఇంకా అధికారిక సమాచారం లేదు.
సత్యదేవ్‌ కి జోడీగా ప్రియా భవానీ శంకర్‌ నటిస్తున్న ఈ సినిమాలో పుష్ప ఫేమ్‌ ధనంజయ (జాలిరెడ్డి) కీలక పాత్ర పోషిస్తున్నారు ఈ సినిమాను ఓల్డ్ టౌన్ పిక్చర్స్ మరియు పద్మ ఫిలిమ్స్ బ్యానర్స్ పై ఎస్‌ఎన్‌ రెడ్డి బాలసుందరం దినేష్‌ సుందరం సంయుక్తంగా నిర్మిస్తున్నారు ఇప్పటికే విడుదలైన జీబ్రా టీజర్‌ కు మంచి స్పందన లభించింది సత్యదేవ్‌ ప్రస్తుతం ఫుల్ బాటిల్ మరియు “గరుడ చాప్టర్ 1” అనే రెండు కీలక ప్రాజెక్టులలో కూడా నటిస్తున్నారు ఫుల్ బాటిల్ షూటింగ్ దశలో ఉండగా గరుడ చాప్టర్ 1 ప్రొడక్షన్‌ దశలో ఉంది.