బద్వేల్‌లో జరిగిన దారుణ ఘటనలో యువతి మరణించడం పట్ల ఆంధ్రప్రదేశ్ ముఖ్యమంత్రి చంద్రబాబు నాయుడు తీవ్ర విచారం వ్యక్తం చేశారు. ఒక భవిష్యత్తు ఉన్న విద్యార్థి, దుర్మార్గుడి దుశ్చర్యకు బలవడడం ఆయనను తీవ్ర ఆవేదనకు గురిచేసింది.
చంద్రబాబు, ఈ ఘటనపై స్పందిస్తూ, “విచారణ త్వరగా పూర్తిచేసి, నిందితుడికి మరణశిక్ష పడేలా చర్యలు తీసుకోవాలి” అని అధికారులను ఆదేశించారు. మహిళలపై అఘాయిత్యాలు చేసేవారికి ఇది ఒక హెచ్చరికగా ఉండాలని, ఈ కేసును ప్రత్యేక ఫాస్ట్ ట్రాక్ కోర్టులో విచారణ పూర్తి చేసి, తగిన శిక్ష విధించాలన్నారు.
మహిళల భద్రతకు ప్రభుత్వం కట్టుబడి ఉందని, ఇలాంటి ఘటనలు పునరావృతం కాకుండా కఠిన చర్యలు తీసుకోవాలని ఆయన స్పష్టం చేశారు.