“రహస్యం ఇదం జగత్” అనే సినిమా సైన్స్ ఫిక్షన్ మరియు పురాణ కథల తారకంసలో రూపొందిన ఒక విభిన్న చిత్రంగా ప్రేక్షకుల ముందుకు రాబోతుంది. ఈ సినిమా పురాణాలు, ఇతిహాసాలు, మరియు శ్రీచక్రం వంటి రహస్య అంశాలను ఆధారంగా తీసుకుని, ప్రేక్షకులకు ఒక కొత్త అనుభవాన్ని అందించబోతోంది. మేకర్స్ ప్రకారం, ఈ చిత్రం నవంబర్ 8న విడుదల కానుంది, అందుకు ప్రేక్షకులు ఆత్రుతగా ఎదురుచూస్తున్నారు.
ఈ చిత్రంలో రాకేష్ గలేబి, స్రవంతి పత్తిపాటి, మానస వీణ, మరియు భార్గవ్ గోపీనాథం ప్రధాన పాత్రల్లో నటిస్తున్నారు. సింగిల్ సెల్ యూనివర్శ్ ప్రొడక్షన్ పతాకంపై కోమల్ ఆర్. భరద్వాజ్ దర్శకత్వంలో, పద్మ రావినూతుల మరియు హిరణ్య రావినూతుల ఈ చిత్రాన్ని నిర్మిస్తున్నారు.
ఇటీవల, ఈ చిత్ర టీజర్‌ను డల్లాస్‌లో విడుదల చేశారు, ఈ టీజర్ విడుదలతోనే ప్రేక్షకుల్లో ఆసక్తి పెరిగింది. ఇక ఈ సినిమా నుంచి విడుదలైన లిరికల్ సాంగ్ “ఈ జగమే విధిగా”, సంగీత దర్శకుడు గ్యానీ స్వరకల్పనలో, హారిక నారాయణ్ మరియు గ్యానీ ఆలపించిన ఈ పాట ప్రేక్షకులను ఆకట్టుకుంటోంది. రమేష్ కుమార్ వక్కచర్ల అందించిన సాహిత్యం సాంగ్‌కు మరింత అందం తీసుకువచ్చింది.
నిర్మాత మాట్లాడుతూ, ఈ సినిమా సైన్స్ ఫిక్షన్ మరియు మైథాలజీని సమ్మిళితం చేస్తూ, ఈ తరం ప్రేక్షకులకు సరికొత్త అనుభవాన్ని అందించడానికి రూపొందించామన్నారు. ఈ కథ శ్రీచక్రం, శ్రీ యంత్రం వంటి ప్రధాన అంశాలను ఆధారంగా తీసుకొని రూపొందిన విషయం ప్రేక్షకుల్లో ఆసక్తిని పెంచిందని, విజువల్స్ కూడా అత్యంత స్టన్నింగ్‌గా ఉంటాయని చెప్పారు.
నేటి ఆధునిక దృశ్య కావ్యంతో కలిపిన రహస్యమైన పౌరాణిక ఇతిహాసాలు ప్రేక్షకులకు వినూత్న అనుభూతిని కలిగిస్తాయని, అందులో రహస్యాల్ని అర్థం చేసుకోవడానికి ప్రత్యేకంగా సాగే ఈ కథ ప్రేక్షకులను పూర్తిగా ఆకట్టుకుంటుందని దర్శక నిర్మాతలు నమ్మకం వ్యక్తం చేశారు. ప్రత్యేకమైన విజువల్ ఎఫెక్ట్స్‌తో రూపొందిన ఈ చిత్రం నవంబరు 8న ప్రేక్షకుల ముందుకు వస్తోంది.