Kamarreddy political : కామారెడ్డి బీజేపీ ఎమ్మెల్యే కాటిపల్లి వెంకటరమణారెడ్డి నివాసంపై కాంగ్రెస్ కార్యకర్తలు దాడి చేశారనే ఆరోపణలపై రాజకీయ ఉద్రిక్తత నెలకొంది. ఈ ఘటనను బీజేపీ మల్కాజ్గిరి ఎంపీ ఈటల రాజేందర్ తీవ్రంగా ఖండించారు. ఎమ్మెల్యేను ఫోన్లో సంప్రదించి వివరాలు తెలుసుకున్నట్లు ఆయన తెలిపారు.
ఎమ్మెల్యే ఇంటిపై దాడి జరగడం ప్రజాస్వామ్య వ్యవస్థకు విరుద్ధమని ఈటల రాజేందర్ పేర్కొన్నారు. ఇలాంటి ఘటనలు జరుగుతున్నప్పుడు సాధారణ ప్రజలకు ప్రభుత్వం ఎలా రక్షణ కల్పిస్తుందో ముఖ్యమంత్రి రేవంత్ రెడ్డి సమాధానం చెప్పాలని డిమాండ్ చేశారు. ప్రజాస్వామ్యంలో హింసకు స్థానం లేదని, ప్రజలు ఇలాంటి చర్యలను ఎట్టి పరిస్థితుల్లోనూ సహించరని అన్నారు.
Read Also: Azharuddin Minister Post : అజహరుద్దీన్ పదవికి గండం ?
అసెంబ్లీ ఎన్నికల్లో కామారెడ్డిలో ముఖ్యమంత్రి రేవంత్ రెడ్డిపై కాటిపల్లి వెంకటరమణారెడ్డి విజయం సాధించారని, ఆ తర్వాత బీజేపీ ప్రభావం అక్కడ పెరుగుతోందని తెలిపారు. ఈ పరిణామాలను జీర్ణించుకోలేక కాంగ్రెస్ శ్రేణులు దాడులకు దిగుతున్నాయని ఆరోపించారు. రాజకీయ వైఫల్యాలను కప్పిపుచ్చుకునేందుకు ఇలాంటి ఘటనలు జరుగుతున్నాయని విమర్శించారు.
ఈ దాడికి బాధ్యులపై చర్యలు తీసుకోవాలని డిమాండ్ చేస్తూ, ఎమ్మెల్యేకు బీజేపీ పూర్తి మద్దతు ఉంటుందని ఈటల రాజేందర్ స్పష్టం చేశారు. ఈ ఘటన రాష్ట్ర రాజకీయాల్లో మరోసారి ఉద్రిక్త వాతావరణానికి దారితీసింది.
Read hindi news: hindi.vaartha.com
Read Also Epaper : epaper.vaartha.com
Read Also:
