నాన్న ప్రేమ.. దాగిన ప్రేమ, దీపస్తంభమై నిలిచిన ప్రేమ
తల్లి ప్రేమని ప్రపంచంలో అందరికీ ఎత్తిచూపుతాం. నిజమే, అమ్మ ప్రేమ తడిసిముద్దైనది. కాని, నాన్న ప్రేమ మాత్రం కళ్లకు కనిపించని నీడలా మన జీవితాన్ని కాపాడుతూ ఉంటుంది. నిశ్శబ్దంగా, నిరంతరం, నిరపేక్షంగా. పుట్టినప్పటి నుంచీ మన పక్కన ఉండే ఓ మహోన్నత వ్యక్తి – ఆయనే నాన్న. తల్లి గర్భంలో తొమ్మిది నెలలు మనల్ని మోసింది వాస్తవమే. కాని, నాన్న మాత్రం ఆ తొమ్మిది నెలల తర్వాత మన జీవితం నిలబెట్టే వరకూ మన బాధ్యతను మోస్తూనే ఉంటాడు.
నాన్న త్యాగం – మౌనంగా కాని మహతగా
మనకి అవసరమైన ప్రతిదానికి ముందు తన అవసరాలని పక్కనపెట్టేసే గుణం నాన్నది. పిల్లలకి మంచి చదువు, మంచి బడులు, మంచి బవిష్యత్తు కోసం అతను చేసే ఆర్థిక, శారీరక, మానసిక త్యాగాల జాబితా అంతులేనిది. ఒక్కసారి పరీక్షల టైమ్ను తీసుకోండి. ఉదయం లేవడానికి మొదలుకుని రాత్రి పడుకునే వరకు మనతో పాటు సన్నద్ధం అవుతాడు. మనం సెంటర్కి వెళ్లే దాకా పాటుగా పక్కన ఉంటాడు. మనం పరీక్ష రాస్తున్నప్పుడు బయట ఎదురుచూస్తూ దిగులుగా చూస్తుంటాడు. ఇది ప్రేమ కాదు అంటే మరెందుకు ప్రేమ అనాలి?
నాటకీయతలో నటుడు – నాన్న గొప్పతనం
నాన్న మనకి కోపంగా కనిపిస్తాడు. కొన్ని విషయాల్లో తాను చెప్పింది తప్పుకాదని ఒత్తుపెడతాడు. మనకి తప్పుగా అనిపిస్తుంది. కానీ, ఆ కఠినత వెనక దాగి ఉన్న వెన్నలాంటి మనసు మనకి తర్వాతే అర్థమవుతుంది. మనం నటనతో భయపడుతున్నట్టు ఆయన ముందుంటే, ఆయన కూడా అదే నటనతో ప్రేమని దాచేస్తాడు. మన నాన్నలంతా గొప్ప నాటకకళాకారులే – కానీ వారిది ఎప్పటికీ నిజమైన ప్రేమ ఆధారంగా చేసే నటన.
పిల్లల భవిష్యత్తు కోసం పరితపించే పితృస్వభావం
పిల్లలు చదువులో ఎక్కడ వెనకపడ్డా ఆ బాధ వారికంటే నాన్నకి ఎక్కువ. పిల్లలు ఉద్యోగం దొరకక వెనకపడితే, అప్పుడు ఇంకా ట్రై చెయ్, బెటర్ అవకాశాలు ఉన్నాయి అని ధైర్యం చెప్పే వాడే నాన్న. మనం ఓ తప్పు చేసినా, నాన్న కోప్పడతాడు – కానీ దాని వెనక కారణం మనం బాగుండాలనే తపనే. పిల్లల బంగారు భవిష్యత్తు కోసం పిత చేతిలో మిగిలింది అన్నీ ధారపోస్తాడు.
అమ్మంటే దైవం అంటారు. నిజమే. కానీ, నాన్న మాత్రం పరమాత్ముడు. మన పుట్టిన రోజు, స్కూల్ అడ్మిషన్, మొదటి జీతం – ప్రతీ దానికి వెనక నిలబడే దైవం ఆయనే. పిల్లల సంతోషం కోసం తన కలల్ని త్యజించిన వాడే నాన్న. మనకు తెలిసి కానీ తెలియక, తెలిసినా గుర్తించక ఎన్నో పనులు చేశాడు. తనకు ప్రతిఫలం అవసరం లేదు. కానీ మనం అతనికి ఒక్కసారీ గుర్తింపు ఇస్తే చాలు.
ఈ ఫాదర్స్ డే.. ఓ చిన్న గౌరవం.. ఓ పెద్ద స్మరణ
ఈ ఫాదర్స్ డేకి మన నాన్నకు ఓ చిన్న అంకితం ఇవ్వాలంటే చాలు – “నాన్నా, నీ వల్లే నేడు నేను ఇలా ఉన్నాను” అనే మాటే సరిపోతుంది. అది అతని హృదయాన్ని తాకే మధుర గీతం. జీవితంలో ఒక్కసారి అయినా మనం ఆయన మనసుని అర్థం చేసుకోవాలి. మనం ఇచ్చే ఒక చిన్న గుర్తింపు అతనికి విశ్వానికంటే గొప్ప గౌరవం.
Read also: Fathers Day Special: వెలకట్టలేని ప్రేమ లెక్కించలేని బాధ్యత :నాన్న
