LPG PNG Gas New : దేశవ్యాప్తంగా LPG, PNG గ్యాస్ వినియోగదారులకు కేంద్ర ప్రభుత్వం కీలక ఆదేశాలు జారీ చేసింది. ఇకపై ఒక ఇంటికి ఒకే గ్యాస్ కనెక్షన్ మాత్రమే ఉండాలని స్పష్టం చేసింది. ఒకవేళ రెండో గ్యాస్ కనెక్షన్ ఉంటే వెంటనే తిరిగి ఇవ్వాలని వినియోగదారులకు సూచించింది.
ప్రస్తుతం పశ్చిమాసియా ప్రాంతంలో కొనసాగుతున్న ఉద్రిక్త పరిస్థితుల కారణంగా ప్రపంచవ్యాప్తంగా చమురు, గ్యాస్ సరఫరాపై ప్రభావం పడుతోంది. ఈ నేపథ్యంలో ఇంధన వినియోగాన్ని నియంత్రించేందుకు భారత్ కూడా కొన్ని కఠిన నిర్ణయాలు తీసుకుంటోంది.
దేశంలోని అనేక ఇళ్లలో ప్రస్తుతం LPGతో పాటు PNG గ్యాస్ కనెక్షన్లు ఉన్నాయి. వినియోగదారులకు ఇది సౌకర్యంగా ఉన్నప్పటికీ, సబ్సిడీ విషయంలో దుర్వినియోగం జరుగుతున్నట్లు కేంద్ర ప్రభుత్వం గుర్తించింది.
ఈ కారణంగా ఒక ఇంటికి ఒకే ఇంధన కనెక్షన్ అనే విధానాన్ని కఠినంగా అమలు చేయాలని నిర్ణయించింది. PNG గ్యాస్ కనెక్షన్ ఉన్న ఇళ్లు తమ LPG కనెక్షన్ను తిరిగి సమర్పించాల్సి ఉంటుంది.
Read also: Men Health: పురుషుల్లో పెరుగుతున్న జుట్టు రాలడం: కారణం మీ జీర్ణ వ్యవస్థేనా?
ఇకపై సబ్సిడీ కూడా ఒకే కనెక్షన్కు మాత్రమే వర్తిస్తుంది. PNG కనెక్షన్ ఉన్న వినియోగదారులకు LPG సబ్సిడీ వర్తించదు. LPG కనెక్షన్ను సమర్పించిన తర్వాత కూడా PNG ద్వారా గ్యాస్ సరఫరా కొనసాగుతుందని అధికారులు తెలిపారు.
ఈ నిర్ణయం వల్ల ఇంధన వినియోగంలో పారదర్శకత పెరుగుతుందని, అక్రమ గ్యాస్ కనెక్షన్లు కూడా తగ్గే అవకాశం ఉందని కేంద్రం భావిస్తోంది.
అయితే ఈ నిర్ణయంపై వినియోగదారుల నుంచి భిన్నాభిప్రాయాలు వ్యక్తమవుతున్నాయి. కొందరు PNG కనెక్షన్ ఉన్నవారికి LPG అవసరం లేదని చెబుతుండగా, మరికొందరు అత్యవసర పరిస్థితుల్లో LPG లేకపోతే ఇబ్బందులు ఎదురవుతాయని ఆందోళన వ్యక్తం చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
