ఇండియన్ ప్రీమియర్ లీగ్ (ఐపీఎల్) 2025 సీజన్ లో ప్రత్యర్థులను వారి సొంత వేదికలపై చిత్తు చేస్తున్న రాయల్ చాలెంజర్స్ బెంగళూరు (ఆర్సీబీ) తమ సొంత వేదికపై మాత్రం మరోసారి ఓటమివైపు నిలిచింది. చిన్నస్వామి స్టేడియంలో ఆడిన గత రెండు మ్యాచ్ల్లో మాదిరిగానే పంజాబ్తోనూ అదే రిపీట్ అయింది. శుక్రవారం వర్షం అంతరాయంతో 14 ఓవర్లకు కుదించిన మ్యాచ్లో పంజాబ్ ఐదు వికెట్ల తేడాతో ఆర్సీబీపై ఘన విజయం సాధించింది. ఆర్సీబీ నిర్దేశించిన 96 పరుగుల ఛేదనలో పంజాబ్ 12.1 ఓవర్లలో 98/5 స్కోరు చేసింది. నేహాల్ వధేరా(19 బంతుల్లో 33 నాటౌట్, 3ఫోర్లు, 3సిక్స్లు) జట్టు విజయంలో కీలకమయ్యాడు. హాజిల్వుడ్(3/14), భువనేశ్వర్(2/26) ఆకట్టుకున్నారు.తొలుత బ్యాటింగ్ చేసిన ఆర్సీబీ బ్యాటర్ల వైఫల్యంతో 14 ఓవర్లలో 95/9కే పరిమితమైంది. అనిశ్చితికి మారుపేరైన ఆర్సీబీ బ్యాటింగ్ లైనప్ ఓపెనర్లు నిష్క్రమించగానే పెవిలియన్కు క్యూ కట్టింది. సాల్ట్ (4), కోహ్లీ (1), లివింగ్స్టొన్ (4), జితేశ్ (2), కృనాల్ (1) అలా వచ్చి ఇలా వెళ్లారు. టిమ్ డేవిడ్ (26 బంతుల్లో 50 నాటౌట్, 5 ఫోర్లు, 3 సిక్సర్లు), రజత్ పటీదార్ (18 బంతుల్లో 23, 1 ఫోర్, 1 సిక్స్) ఆదుకోకుంటే ఆ జట్టు పరిస్థితి మరింత ఘోరంగా ఉండేది. పంజాబ్ బౌలర్లలో మార్కో యాన్సన్ (2/10), చాహల్ (2/11), అర్ష్దీప్ సింగ్ (2/23), హర్ప్రీత్ (2/25) తలా రెండు వికెట్లు తీసి ఆర్సీబీని కట్టడిచేశారు.
అత్యధిక వికెట్లు
ఈ అద్భుతమైన ప్రదర్శనతో ఐపీఎల్లో కొన్ని రికార్డులను సైతం తన ఖాతాలో వేసుకున్నాడు. నాలుగు వికెట్లు తీసి, ఐపీఎల్లో 8 సార్లు 4 వికెట్లు తీసిన బౌలర్గా సునీల్ నరైన్ సరసన తొలిస్థానంలో నిలిచాడు. దీంతోపాటు ఐపీఎల్లో కేకేఆర్పై అత్యధిక వికెట్లు తీసిన బౌలర్గా నిలిచాడు చాహల్. 23 మ్యాచుల్లో చాహల్ నైట్ రైడర్స్పై 20.75 సగటు, 7.96 ఎకానమీ రేటుతో 33 వికెట్లు పడగొట్టాడు. భువనేశ్వర్ కుమార్ (32)ను అధిగమించి ఈ రికార్డు నెలకొల్పాడు.చాహల్ ఇప్పటివరకు ఐపీఎల్లో 211 వికెట్లు పడగొట్టాడు. టోర్నీ చరిత్రలో 200 వికెట్ల మార్కును దాటిన ఏకైక బౌలర్ అతడే. 166 మ్యాచుల్లో 22.73 సగటు, 7.91 ఎకానమీ రేటుతో 211 వికెట్లు తీసి, టాప్లో కొనసాగుతున్నాడు. అతని అత్యుత్తమ గణాంకాలు 5/40.
అయ్యర్ మాట్లాడుతూ
చాహల్తో నేను ప్రత్యేకంగా మాట్లాడాను. ‘నువ్వో మ్యాచ్ విన్నర్. వీలైనంత వరకు వికెట్లు తీసే ప్రయత్నం చేయాలి. సేఫ్గా అస్సలు బౌలింగ్ చేయకు. వికెట్లు తీసేందుకే ప్రయత్నించు.’అని చెప్పాను. బౌన్స్ బ్యాక్ అయ్యే సామర్థ్యం చాహల్కు ఉంది. ఐపీఎల్లోనే అతను అత్యుత్తమ బౌలర్’అని శ్రేయస్ అయ్యర్ చెప్పుకొచ్చాడు.
Read Also: IPL 2025: ఆర్సీబీ ఓటమి పై స్పందించిన రజత్ పటీదార్
