Indus water treaty : పాకిస్థాన్కు ఎండాకాలంలో తీవ్ర నీటి సంక్షోభం తలెత్తేలా భారత్ కీలక చర్యలు చేపడుతోంది. సింధు జలాల ఒప్పందం ప్రకారం భారత వాటాగా ఉన్న రావి నది నీటిని ఇకపై పాకిస్థాన్కు వెళ్లకుండా పూర్తిస్థాయిలో వినియోగించుకునేలా ప్రణాళికలు అమలు చేస్తున్నది. పంజాబ్–జమ్మూ కశ్మీర్ సరిహద్దులో నిర్మాణంలో ఉన్న షాపుర్కండి బ్యారేజీ పూర్తి కావడంతో ఈ నిర్ణయం సాధ్యమవుతోంది. సింధు నదీ వ్యవస్థపై అధికంగా ఆధారపడే పాకిస్థాన్కు, ముఖ్యంగా ఎండాకాలంలో, నీటి కొరత మరింత తీవ్రమయ్యే అవకాశం ఉందని విశ్లేషకులు చెబుతున్నారు.
1960 సింధు జలాల ఒప్పందం ప్రకారం రావి, బియాస్, సట్లెజ్ వంటి తూర్పు నదులపై భారత్కు పూర్తి హక్కులు ఉన్నాయి. అయితే నిల్వ సదుపాయాల లేమితో ఇప్పటివరకు మిగులు నీరు పాకిస్థాన్లోకి వెళ్లేది. మార్చి 31, 2026 నాటికి షాపుర్కండి ప్రాజెక్టు పూర్తి కాగానే, ఈ నీటిని జమ్మూ కశ్మీర్లోని కథువా, సాంబా జిల్లాల్లో సుమారు 32 వేల హెక్టార్లకు పైగా సాగునీటిగా వినియోగించనున్నారు. పంజాబ్లో కూడా వేల హెక్టార్ల భూమికి లాభం చేకూరుతుంది.
Read Also: ICC Women’s T20 rankings 2026: రెండో స్థానానికి దీప్తి శర్మ
ఈ ప్రాజెక్టు ద్వారా సుమారు 206 మెగావాట్ల జలవిద్యుత్ ఉత్పత్తి చేయడంతో పాటు, ఇప్పటివరకు వృథాగా పారిపోయిన నీటిని సమర్థంగా వినియోగించుకునే అవకాశం లభిస్తుంది. జలవనరుల వినియోగంలో స్వయం సమృద్ధిని సాధించడంతో పాటు, రైతులకు సాగునీరు అందించడం ద్వారా ప్రాంతీయ వ్యవసాయాభివృద్ధికి ఇది కీలక మైలురాయిగా నిలవనుంది.
Read hindi news: hindi.vaartha.com
Read Also Epaper : epaper.vaartha.com
Read Also:
