గోల్డెన్ డోమ్ రక్షణ కవచంపై ఉత్తర కొరియాకు ఆగ్రహం
అమెరికా అభివృద్ధి చేస్తున్న అత్యాధునిక గోల్డెన్ డోమ్ రక్షణ కవచం పై ఉత్తర కొరియా తీవ్ర ఆగ్రహం వ్యక్తం చేసింది. బాలిస్టిక్ క్షిపణులు, క్రూయిజ్ క్షిపణుల దాడులను ఎదుర్కొనేందుకు అమెరికా రూపొందిస్తున్న ఈ వ్యవస్థపై అమెరికా అధ్యక్షుడు డొనాల్డ్ ట్రంప్ ఇటీవలే ప్రకటన చేశారు. ఈ ప్రకటన తర్వాత ప్రపంచ వ్యాప్తంగా రాజకీయ స్పందనలు నమోదవుతుండగా, ఉత్తర కొరియా స్పందన అత్యంత గంభీరంగా ఉంది. ఈ కవచం అంతర్జాతీయ శాంతికి ప్రమాదకరమని, ఇది అంతరిక్ష అణ్వాయుధ యుద్ధానికి బీజం వేసే అవకాశం ఉందని ఉత్తర కొరియా విదేశాంగ శాఖ హెచ్చరించింది. అంతరిక్షాన్ని సైనిక రంగంగా మార్చే ఈ తరహా చర్యలు మానవాళికి ముప్పుగా మారతాయని ఉత్తర కొరియా అభిప్రాయపడింది.
గోల్డెన్ డోమ్ వల్ల అంతరిక్ష యుద్ధానికి అవకాశాలు
అమెరికా అభివృద్ధి చేస్తున్న గోల్డెన్ డోమ్ రక్షణ కవచం ప్రపంచాన్ని కొత్త ప్రమాదాల దిశగా నడిపించవచ్చని, అంతరిక్ష అణ్వాయుధ యుద్ధానికి దారి తీసే అవకాశాలు ఉన్నాయని ఉత్తర కొరియా విదేశాంగ శాఖ పేర్కొంది. ఈ కవచం తమ అణ్వాయుధ శక్తిని ప్రభావితం చేస్తుందని పేర్కొన్న ఉత్తర కొరియా.. దీన్ని ఎదుర్కొనేందుకు ప్రత్యామ్నాయ ఆయుధ వ్యవస్థల అభివృద్ధి తప్పదని తెలిపింది. అంతరిక్షాన్ని సైనిక రంగంగా మార్చే ఈ చర్యలు మూర్ఖత్వమేనని, అమెరికా అత్యుత్సాహంతో వ్యవహరిస్తోందని విమర్శించింది. గోల్డెన్ డోమ్ వల్ల అంతరిక్ష అణుయుద్ధానికి అవకాశాలు పెరుగుతాయని పేర్కొంది. అమెరికా – దక్షిణ కొరియా కలిసి నిర్వహిస్తున్న సైనిక విన్యాసాలను ఉత్తర కొరియా తీవ్రంగా తప్పుబట్టింది. ఈ చర్యలు ప్రాంతీయ భద్రతకు ముప్పుగా మారతాయని పేర్కొంది.
వ్యూహాత్మక దృష్టితో ఆయుధాల అభివృద్ధి
గోల్డెన్ డోమ్ను పూర్తి స్థాయిలో అమలు చేస్తే దాన్ని సమర్థంగా ఎదుర్కొనేందుకు ఉత్తర కొరియా ప్రత్యామ్నాయ ఆయుధాలను అభివృద్ధి చేయాల్సిన అవసరం ఉందని పేర్కొంది. తమ వద్ద అణ్వాయుధాలు ఉన్నట్లు ఉత్తర కొరియా 2022లో చట్టబద్ధంగా ప్రకటించిన విషయం తెలిసిందే. ఆ తర్వాత నుంచి బాలిస్టిక్, క్రూయిజ్ క్షిపణులను పలు మార్లు పరీక్షించి తమ శక్తిని ప్రపంచానికి చూపించేందుకు ప్రయత్నిస్తోంది. తాజా పరిణామాల నేపథ్యంలో ఉత్తర కొరియా వ్యూహాత్మకంగా కొత్త ఆయుధాల అభివృద్ధిపై దృష్టి సారించింది.
ప్యాంగ్యాంగ్ కు భద్రతా భయాలు
గోల్డెన్ డోమ్తో పాటు అమెరికా చేస్తున్న సైనిక విన్యాసాలను తీవ్రంగా ఖండించిన ఉత్తర కొరియా, ఇవి ఆ ప్రాంత భద్రతా సమతుల్యతను పూర్తిగా చెదిలించవచ్చని తెలిపింది. అమెరికా వ్యవహరిస్తున్న తీరు అత్యుత్సాహంగా ఉందని, అంతరిక్షంలోని మానవ వికాస అవకాశాలను అణగదొక్కే విధంగా ఉందని ఆరోపించింది. అంతరిక్షాన్ని అణ్వాయుధ పోటీకి వేదికగా మార్చడాన్ని మూర్ఖత్వంగా పేర్కొన్న ఉత్తర కొరియా, గోల్డెన్ డోమ్ను పూర్తి స్థాయిలో అమలు చేస్తే దానికి తాము తగిన తీరులో ప్రతిస్పందిస్తామని హెచ్చరించింది.
Read Also :Trump: షాపింగ్ కేంద్రాలు విదేశీ విద్యార్థులతో నిండిపోతున్నాయి: ట్రంప్
