అమెరికా ప్రభుత్వం కీలక డేటాను డిలీట్ చేయనున్నట్టు ప్రకటించింది
హెచ్1బీ వీసా హోల్డర్లకు, కొత్తగా దరఖాస్తు చేసుకునే వారికి అమెరికా ప్రభుత్వం మరో షాకింగ్ నిర్ణయం తీసుకుంది. గతంలో హెచ్1బీ వీసాల క్లియరెన్స్ కోసం సేకరించిన డేటాను పూర్తిగా తొలగించాలని ట్రంప్ ప్రభుత్వం నిర్ణయం తీసుకుంది.
H-1B వీసాదారుల డేటా తొలగింపు – కొత్త నిర్ణయం
అమెరికాలో ఫారిన్ లేబర్ యాక్సెస్ గేట్ వే ద్వారా హెచ్1బీ వీసాదారుల డేటాను భద్రంగా ఉంచారు.
అయితే, ట్రంప్ ప్రభుత్వం ఈ డేటాను పూర్తిగా డిలీట్ చేయాలని అధికారులకు ఆదేశాలు ఇచ్చింది.
ఇది ఈ రోజునుంచి అమలులోకి రాబోతోంది. హెచ్1బీ వీసా హోల్డర్ల వివరాలు భవిష్యత్తులో వీసా పొడిగింపు, తిరిగి మంజూరు, లేదా రద్దు ప్రక్రియలో ఉపయోగపడతాయి. అయితే, ఈ డేటా లేకపోతే మొత్తం ప్రక్రియ మళ్లీ ప్రారంభించాల్సి వస్తుంది.
ఐదేళ్ల డేటా మాత్రమే భద్రంగా ఉంచనున్న అమెరికా
ఐదేళ్ల లోపు ఉన్న డేటాను మాత్రమే భద్రంగా ఉంచి, అంతకంటే పాత డేటాను పూర్తిగా తొలగించాలని ట్రంప్ సర్కార్ ఆదేశించింది. అమెరికాలో కంపెనీలు అవసరమైన డేటాను తమ సర్వర్లలో నిల్వ చేసుకోవాలని సూచించింది. H-1B వీసాదారులకు పెరుగుతున్న ఇబ్బందులు. అమెరికాలో కొత్తగా హెచ్1బీ వీసా దరఖాస్తు చేసుకునేవారు, వీసా పొడిగించేవారు ఇకపై మరింత కష్టాలను ఎదుర్కోవాల్సి ఉంటుంది.
వలసదారులపై ట్రంప్ ప్రభుత్వం ఆంక్షలు
ట్రంప్ ప్రభుత్వం వలసదారులపై మరింత కఠిన నిర్ణయాలు తీసుకుంటోంది. ఒకసారి వీసా జారీ అయిన తర్వాత కూడా, అది ఇమ్మిగ్రేషన్ చట్టాలకు అనుగుణంగా ఉందా లేదా అన్నది ఎప్పుడైనా రివ్యూ చేయగలమని అమెరికా వెల్లడించింది. తద్వారా, అమెరికాలో వలసదారులకు ఉన్న నమ్మకాన్ని తొలగించేలా చర్యలు చేపట్టింది.
