ఇటీవల కాలంలో హార్ట్ ఎటాక్స్, కార్డియాక్ ఫెయిల్యూర్ వంటి గుండె సంబంధిత సమస్యలు వేగంగా పెరుగుతున్నాయి. అనారోగ్యకరమైన జీవనశైలి, అలసత్వం, దుష్ప్రభావిత ఆహారపు అలవాట్లే దీనికి ప్రధాన కారణాలుగా నిపుణులు చెబుతున్నారు. గుండెను ఆరోగ్యంగా ఉంచుకోవాలంటే ఆహారపు నియమాలు పాటించాల్సిన అవసరం ఎంతో ఉంది. ఏ విధమైన ఆహారం తీసుకోవాలో తెలుసుకుని, నిత్య జీవితంలో వాటిని అనుసరించడం వల్ల గుండె సంబంధిత సమస్యలు తక్కువయ్యే అవకాశముంది.
ఒమేగా-3 అధికంగా ఉన్న ఆహారం తీసుకోవాలి
గుండె ఆరోగ్యానికి ఒమేగా-3 కొవ్వు ఆమ్లాలు చాలా కీలకమైనవి. నిపుణులు చేపలు, గుడ్లు వంటి ఒమేగా-3 అధికంగా ఉండే ఆహారాలను రెగ్యులర్గా తినాలని సూచిస్తున్నారు. వీటి ద్వారా రక్తనాళాలు బలపడతాయి, హృదయ సంబంధిత వ్యాధుల రిస్క్ తగ్గుతుంది. శాఖాహారులకు మాత్రం డ్రైఫ్రూట్స్ (బాదం, వాల్నట్, పిస్తా వంటివి) మంచి ప్రత్యామ్నాయంగా సూచిస్తున్నారు. ఇవి గుండెకు అవసరమైన మంచి కొవ్వులను అందించడమే కాకుండా శక్తిని కూడా పెంచుతాయి.
Read Also : Paka Venkata Satyanarayana : రాజ్యసభ కూటమి అభ్యర్థి ఈయనే !
పప్పుదినుసులు, పండ్ల కు ఎక్కువ ప్రాధాన్యత
గుండె ఆరోగ్యాన్ని మరింత మెరుగుపరిచేందుకు పప్పు ధాన్యాలు, బీన్స్ వంటి ప్రోటీన్ పుష్కలంగా ఉన్న ఆహారాలను తీసుకోవడం మంచిదని నిపుణులు సూచిస్తున్నారు. అంతేకాకుండా, విటమిన్స్, మినరల్స్ అధికంగా ఉండే సిట్రస్ ఫలాలు (కమలాపండు, నారింజ, ముసంబి)ను కూడా క్రమం తప్పకుండా ఆహారంలో చేర్చుకోవాలి. ఇవి గుండెకు అవసరమైన పోషకాలను అందిస్తూ, రోగనిరోధక శక్తిని పెంచుతాయి. సమతుల్యమైన ఆహారం, క్రమబద్ధమైన జీవనశైలి ద్వారా గుండె ఆరోగ్యాన్ని మెరుగుపరచుకోవచ్చని నిపుణులు హితవు పలుకుతున్నారు.
