కొలెస్ట్రాల్ అనేది శరీరానికి అవసరమైన కొవ్వు పదార్థమే. కానీ అది హద్దు మించితే గుండెకు ముప్పుగా మారుతుంది. రక్తనాళాల్లో కొలెస్ట్రాల్ (cholesterol) పేరుకుపోతే రక్త ప్రసరణ మందగిస్తుంది. దీని వల్ల గుండెపోటు, స్ట్రోక్ వంటి ప్రమాదాలు పెరుగుతాయి. నేటి జీవనశైలి, తప్పుడు ఆహార అలవాట్లు, వ్యాయామం లేమి వల్ల చాలా మందిలో చెడు కొలెస్ట్రాల్ స్థాయిలు వేగంగా పెరుగుతున్నాయి.
హెల్త్ నిపుణుల ప్రకారం, సరైన ఆహారాన్ని ఎంచుకుంటే మందులు అవసరం లేకుండానే కొలెస్ట్రాల్ను అదుపులో ఉంచుకోవచ్చు. ప్రముఖ హెల్త్ ఎక్స్పర్ట్ డింపుల్ జాంగ్రా సూచించిన మూడు సహజ ఆహారాలు కాలేయ పనితీరును మెరుగుపరచి, చెడు కొలెస్ట్రాల్ను క్రమంగా తగ్గించడంలో సహాయపడతాయి. ఇవి గుండె ఆరోగ్యాన్ని కాపాడడంలో కీలక పాత్ర పోషిస్తాయి.
Read also: Healthy Lifestyle: డీ హైడ్రేషన్ ఉంటే ఏమవుతుందంటే?
How to lower cholesterol without medication
కొలెస్ట్రాల్ తగ్గించే మూడు ముఖ్యమైన ఫుడ్స్
• వెల్లుల్లి – కాలేయంలో కొలెస్ట్రాల్ తయారును తగ్గించి రక్తప్రసరణను మెరుగుపరుస్తుంది
• గుగ్గులు – ట్రైగ్లిజరైడ్లు, చెడు కొలెస్ట్రాల్ను నియంత్రించడంలో సహాయపడుతుంది
• ఉసిరి – యాంటీ ఆక్సిడెంట్లతో రక్తనాళాల్లో ఫ్లాక్ ఏర్పడకుండా కాపాడుతుంది
ఈ ఫుడ్స్ ఎలా పనిచేస్తాయంటే?
వెల్లుల్లిలో ఉండే అల్లిసిన్ అనే సహజ పదార్థం చెడు కొలెస్ట్రాల్ను తగ్గిస్తుంది. రోజుకు ఒకటి లేదా రెండు వెల్లుల్లి రెబ్బలను తీసుకుంటే గుండె ఆరోగ్యం మెరుగవుతుంది. గుగ్గులు ఆయుర్వేదంలో విస్తృతంగా వాడే సహజ ఔషధం. ఇది కొలెస్ట్రాల్తో పాటు ట్రైగ్లిజరైడ్లను కూడా తగ్గించడంలో ఉపయోగపడుతుంది. ఉసిరి విటమిన్ Cతో సమృద్ధిగా ఉండి రక్తనాళాలను శుభ్రంగా ఉంచుతుంది. ఇది రోగనిరోధక శక్తిని పెంచి గుండెను బలంగా ఉంచుతుంది.
ఆహారం మాత్రమే కాదు… జీవనశైలి కూడా ముఖ్యం
కొలెస్ట్రాల్ నియంత్రణకు సమతుల్య ఆహారం తీసుకోవడంతో పాటు రోజూ కనీసం 30 నిమిషాలు నడక చేయాలి. ఒత్తిడిని తగ్గించుకోవడం, తగినంత నిద్రపోవడం, సరిపడా నీరు తాగడం కూడా చాలా అవసరం. ప్రాసెస్ చేసిన ఆహారం, జంక్ ఫుడ్స్, చక్కెర పానీయాలకు దూరంగా ఉండాలి. ఇవన్నీ పాటిస్తే గుండె ఆరోగ్యం మెరుగుపడుతుంది.
Read hindi news: hindi.vaartha.com
Epaper: epaper.vaartha.com
Read Also:
