రోజుకి కనీసం 2 నుంచి మూడు లీటర్ల నీళ్లు తాగాలి.నీళ్లు తాగడం ఆరోగ్యానికి చాలా మంచిది.శరీరంలో తగిన మోతాదులో వాటర్ కంటెంట్ లేకపోతే చాలా సమస్యలు వస్తాయి. ముఖ్యంగా కిడ్నీలో రాళ్లు వస్తాయి. మూత్రంలో మంట, యూరిన్ పాస్ చేసినప్పుడు నొప్పి లాంటి లక్షణాలు కనిపిస్తాయి. అయితే రోజూ నీళ్లు తాగడం ముఖ్యమే. కానీ ఎలాంటి నీళ్లు తాగుతున్నారన్న దానిపైనే మీ ఆరోగ్యం ఆధారపడి ఉంటుంది. చాలా మంది మామూలు వేడిగా ఉన్నా సరే అలాంటి నీళ్లు తాగరు. చిల్డ్ వాటర్ మాత్రమే తాగుతుంటారు. లేదంటే మామూలు నీళ్లలో ఐస్ వేసుకుని తాగుతారు. చాలా మందికి ఇదో అలవాటు.
ఇలా రెగ్యులర్ గా చల్లనీళ్లు తాగడం వల్ల గొంతు పట్టేస్తుంది. తరచూ జలుబు, దగ్గు లాంటివి వస్తాయి. అయితే దీంతో పాటు మరో సమస్య కూడా వస్తుందని కొంత మంది చెబుతుంటారు. చల్ల నీళ్లు తాగితే బరువు పెరుగుతారనీ అంటారు.
ఉష్ణోగ్రత
సాధారణంగా మన శరీరంలో వేడి ఉంటుంది. ఇదే బాడీని రెగ్యులేట్ చేస్తూ ఉంటుంది. అంటే మనం తినే ఆహారం జీర్ణం కావాలంటే ఈ ఉష్ణోగ్రతే ముఖ్యం. కాస్త సైంటిఫిక్(Scientific) గా చెప్పాలంటే థర్మోజెనసిస్ అనే ప్రాసెస్ గురించి వివరించాలి. ఇది మన శరీరంలో హీట్ ని ప్రొడ్యూస్ చేస్తుంది. ఇది చాలా సహజంగా జరిగే ప్రక్రియ. అసలు బాడీలో ఉన్న ఈ హీట్ ఎలా పని చేస్తుంది. ఇది ఎందుకు అవసరం అంటే బాడీ టెంపరేచర్ ని మెయింటేన్ చేయడానికి ఈ ఉష్ణోగ్రత తప్పనిసరి. ఉదాహరణకు విపరీతంగా చలి ఉన్నప్పుడు లోపల ఎంతో కొంత వేడి ఉంటుంది. అలా బ్యాలెన్స్ అయిపోతుంది.ఎక్కువ సమయం వ్యాయామం చేసినప్పుడు శరీరమంతా చెమటలు పడతాయి. ఆ సమయంలో బాడీ హీట్ ని జనరేట్ చేస్తుంది. అలా వేడి విడుదలైనప్పుడే క్యాలరీలు కరిగి పోతాయి. అంటే మనం బరువు తగ్గి ఫిట్ గా ఉండాలన్నా శరీరంలో ఉష్ణోగ్రత తప్పనిసరిగా ఉండాల్సిందే. అన్నింటి కన్నా ముఖ్యమైన విషయం ఏంటంటే మనం తిన్న ఆహారం జీర్ణం కావాలంటే ఈ హీట్ అవసరం. ఈ హీట్ కారణంగానే పొట్టలో డైజెస్టివ్ ఎంజైమ్స్(Digestive enzymes) విడుదలై తిన్నది అరుగుతుంది. మొత్తంగా ఈ ప్రాసెస్ ని థర్మోజెనసిస్ అంటారు. మరి దీనికి కోల్డ్ వాటర్ కి లింక్ ఏంటనేది చూద్దాం.
ప్రొడ్యూస్
నీళ్లు తాగినప్పుడు మన శరీరంలో కొన్ని మార్పులు జరుగుతాయి.చన్నీళ్లు తాగిన వెంటనే లోపలి ఉష్ణోగ్రత తగ్గిపోతుంది. ఆ సమయంలో బాడీ వెంటనే హీట్ ని ప్రొడ్యూస్ చేస్తుంది. ఆ విధంగా బాడీ టెంపరేచర్ ని బ్యాలెన్స్ చేస్తుంది. ఇలా జరిగినప్పుడే శరీరంలో ఉన్న కేలరీలు కరిగిపోతాయి. సింపుల్ గా చెప్పాలంటే కేలరీలు కరిగిపోవడానికి చన్నీళ్లు తోడ్పడతాయి. అంటే చన్నీళ్లు తాగితే బరువు పెరుగుతారన్నది కేవలం ఓ అపోహ మాత్రమే.
Read Also: Health: ఏలకుల టీ తాగడం వల్ల ఎన్ని ఆరోగ్య ప్రయోజనాలో తెలుసా?
