ప్రముఖ దర్శకుడు రాజమౌళి సూపర్ స్టార్ మహేశ్ బాబు కాంబోలో అత్యంత ప్రతిష్ఠాత్మకంగా తెరకెక్కనున్న ప్రాజెక్ట్ ‘ఎస్ఎస్ఎమ్ బి 29’. ఈ సినిమా కోసం యావత్ ప్రపంచమంతా ఎదురుచూస్తోంది. ఈ మూవీలో ప్రియాంక చోప్రా, పృథ్వీరాజ్ సుకుమారన్ కీలక పాత్రలు పోషిస్తున్నారు. కె.ఎల్.నారాయణ ఈ చిత్రానికి నిర్మాతగా వ్యవహరిస్తున్నారు. ఇప్పటికే ఈ సినిమాపై అంచనాలు భారీగా పెరిగిపోయాయి.జక్కన్న ఎప్పుడైతే ఈ ప్రాజెక్ట్ పై నోరు విప్పారో, అప్పటి నుంచే అంచనాలు పెరిగిపోయాయి. ‘ఎస్ఎస్ఎంబి 29’ చిత్రానికి సంబంధించి నిత్యం ఏదొక పుకారు వినిపిస్తూనే ఉంటుంది. ఈ క్రమంలో సినిమాలో ప్రధాన నటీనటుల వివరాలు, షూటింగ్ సంగతులు లీక్ అవుతూ వస్తున్నాయి. అయితే ఈ లీకులతో రాజమౌళి చాలా నిరాశ చెందినట్లు తెలుస్తోంది.మహేష్ బాబు సినిమాలో గ్లోబల్ బ్యూటీ ప్రియాంక చోప్రా, మలయాళ స్టార్ పృథ్వీరాజ్ సుకుమారన్ కీలక పాత్రలు పోషిస్తున్నారు. నిజానికి ఈ విషయాన్ని రాజమౌళి టీమ్ అఫిషియల్ గా ప్రకటించలేదు. అనౌన్స్ చేయకముందే మ్యాటర్ బయటకు వచ్చింది. ఇక ఒడిశాలో షెడ్యూల్ ప్లాన్ చేస్తే, మినిట్ టు మినిట్ లైవ్ అప్డేట్స్ అన్నట్లుగా ప్రతీది లీక్ అయిపోయింది. అక్కడి స్థానిక వార్తా ఛానల్స్ దీని గురించి బ్రేకింగ్ న్యూస్ ఇచ్చాయి. ఈ క్రమంలో షూటింగ్ స్పాట్ నుంచి ఓ కీలకమైన సన్నివేశం లీక్ అవ్వడం అందరినీ షాక్ కి గురి చేసింది. దీని పట్ల రాజమౌళికి చాలా కోపం వచ్చినట్లు తెలుస్తోంది.
ప్రెస్ మీట్లో
మహేష్ బాబు, పృథ్వీరాజ్ లపై చిత్రీకరించిన ఓ సీన్ లీక్ అవ్వడం, సోషల్ మీడియాలో క్షణాల్లో వైరల్ అవ్వడం జరిగింది. దాంతో సినిమాలోని కొన్ని కీ పాయింట్స్ కూడా రివీల్ అయిపోయాయి. అయినా సరే మేకర్స్ దీనిపై స్పందించలేదు. రీసెంట్ గా ‘హిట్ 3’ ప్రీ-రిలీజ్ ఈవెంట్ కు చీఫ్ గెస్టుగా హాజరైన ఎస్ఎస్ రాజమౌళి తన స్పీచ్ లో లీక్స్ గురించి ప్రస్తావించారు. ‘హిట్ 3’ లీకులపై దర్శకుడు శైలేష్ కొలను స్పందించిన తీరును మెచ్చుకుంటూ సాధారణంగా ఏవైనా కీలక విషయాలు లీకైనప్పుడు సినిమా వాళ్ళకి లోపల రగిలిపోతూ ఉంటుందని అన్నారు.”జనరల్ గా మా సినిమా వాళ్ళకి ప్రొడ్యూసర్స్, డైరెక్టర్స్ కి ఏదైనా లీకైతే చాలా కోపంగా, చాలా బాధగా ఉంటుంది. లోపల రగిలిపోతూ ఉంటుంది. అలాంటిది దర్శకుడు శైలేష్ కొలను ఇటీవల ‘హిట్ 3’ లీక్స్ గురించి ప్రెస్ మీట్లో అడిగినప్పుడు.. కోపగించుకోవడంపోయి, చాలా మెచ్యూర్ గా మాట్లాడాడు. లోపల కోపం ఉందేమో తెలియదు కానీ, చాలా కంట్రోల్ గా కూల్ గా సెటిల్డ్ గా మాట్లాడిన తీరు నన్ను ఆకట్టుకుంది” అని రాజమౌళి అన్నారు.
లీకుల బెడద
రాజమౌళి ఇక్కడ ‘హిట్ 3′ లీకులను ఉద్దేశించి మాట్లాడినప్పటికీ అది ఎస్ఎస్ఎంబి 29’ సినిమాకి కూడా వర్తిస్తుందని అనుకోవాలి. ఆయన మాటలను బట్టి, మహేశ్ బాబు మూవీ నుంచి సీన్ లీక్ అవ్వడం రాజమౌళిని బాగా డిజప్పాయింట్ అయినట్లు తెలుస్తోంది. ఆయన కూడా బాధతో కోపంతో రగిలిపోయి ఉంటారని, అందుకే లీక్స్ పై అలాంటి కామెంట్స్ చేశారని సినీ అభిమానులు భావిస్తున్నారు. అయితే ఈ ప్రాజెక్టును అధికారికంగా ప్రకటించి, సెట్స్ మీదకు తీసుకెళ్లి ఉంటే లీకుల బెడద లేకుండా పోయేదనే కామెంట్స్ వస్తున్నాయి.హిట్-3 ఈవెంట్ లో రాజమౌళి ‘ఎస్ఎస్ఎంబి 29’ అప్డేట్ ఇస్తారని మహేష్ బాబు ఫ్యాన్స్ భావించారు. కానీ జక్కన్న ఏమీ మాట్లాడలేదు. ఎప్పుడో పట్టాలెక్కే మహాభారతం ప్రాజెక్ట్ గురించి మాట్లాడాడు కానీ, ప్రస్తుతం షూటింగ్ చేస్తున్న సినిమాపై మౌనం వహించారు. యాంకర్ సుమ అడిగినా నవ్వి ఊరుకున్నారు. ఎప్పటిలాగే మౌనం వహించారు. షూటింగ్ స్టార్ట్ చేయకముందే కథంతా చెప్పేయడం రాజమౌళికి అలవాటు.ఆర్ఆర్ఆర్ మూవీకి కూడా అదే ఫాలో అయ్యారు. ఎప్పటికప్పుడు అప్డేట్స్ ఇస్తూ వచ్చారు. మరి ఈసారి ఏమైంది? ఈ మౌనం వెనక వ్యూహం ఏంటి? అనేది చూడాలి.
Read Also: Actor: అనుమానాస్పదంగా మృతి చెందిన రోహిత్ బస్ఫోర్
