Neena gupta pregnancy : ప్రముఖ బాలీవుడ్ నటి నీనా గుప్తా 66 ఏళ్ల వయసులో గర్భం దాల్చారంటూ ఇటీవల సోషల్ మీడియాలో వార్తలు విపరీతంగా వైరల్ అయ్యాయి. అయితే ఈ రూమర్లపై తాజాగా ఆమె స్పందించారు.
ఇటీవల హైదరాబాద్లో జరిగిన విజయ్ దేవరకొండ, రష్మిక మందన్నల రిసెప్షన్ వేడుకకు నీనా గుప్తా హాజరయ్యారు. అక్కడ దిగిన ఫోటోలు, వీడియోలు సోషల్ మీడియాలో వైరల్ అయ్యాయి. వాటిలో ఆమె బేబీ బంప్ కనిపిస్తోందంటూ కొందరు నెటిజన్లు చర్చ మొదలుపెట్టారు.
ఈ రూమర్లపై ఓ ఇంటర్వ్యూలో స్పందించిన నీనా గుప్తా, వాటిని నవ్వుతూ కొట్టిపారేశారు. “నాకు ఇప్పుడు నిజ జీవితంలో ‘బధాయి హో’ అవసరం లేదు” అంటూ సరదాగా వ్యాఖ్యానించారు. తాను గర్భవతి కాదని స్పష్టం చేశారు.
ఆ రోజు తాను ధరించిన చీర మెటీరియల్ చాలా మందంగా ఉండటంతో అలా కనిపించిందని ఆమె చెప్పారు. అంతేకాకుండా ఈ వయసులో తన ప్రెగ్నెన్సీ గురించి దేశమంతా చర్చించుకోవడం చూస్తుంటే సమాజం మారుతోందని కూడా వ్యాఖ్యానించారు.
Read Also: Abhishek sharma : ఫ్రాన్స్ ఎంబసీలో క్రికెటర్ అభిషేక్ శర్మ సందడి- టీమిండియాకు అభినందనలు
నీనా గుప్తా జీవితమే ఎంతో (Neena gupta pregnancy) మందికి స్ఫూర్తిదాయకం. 1980లలో వెస్టిండీస్ క్రికెట్ దిగ్గజం వివియన్ రిచర్డ్స్తో ఆమె ప్రేమలో పడ్డారు. పెళ్లి కాకుండానే తల్లి కావాలని నిర్ణయించుకోవడం అప్పట్లో పెద్ద సంచలనం సృష్టించింది.
సమాజం నుంచి విమర్శలు వచ్చినా, తన కుమార్తె మసాబా గుప్తాను ఒంటరిగానే పెంచి పెద్ద చేశారు. తర్వాత 2008లో చార్టర్డ్ అకౌంటెంట్ వివేక్ మెహ్రాను వివాహం చేసుకున్నారు.
Read hindi news: hindi.vaartha.com
Epaper : epaper.vaartha.com
Read Also:
