కేరళ రాజకీయాల్లో ప్రస్తుతం కాంగ్రెస్ సీనియర్ నేత, ఎంపీ శశిథరూర్ చుట్టూ జరుగుతున్న పరిణామాలు పెను సంచలనంగా మారాయి. కేరళ అసెంబ్లీ ఎన్నికల వ్యూహంపై చర్చించేందుకు కాంగ్రెస్ అధిష్టానం ఢిల్లీలో అత్యంత ప్రతిష్టాత్మకమైన సమావేశాన్ని నిర్వహించింది. రాష్ట్ర స్థాయి కీలక నేతలందరూ హాజరైన ఈ భేటీకి శశిథరూర్ గైర్హాజరు కావడం పార్టీ శ్రేణుల్లో చర్చనీయాంశమైంది. అయితే, అదే సమయంలో ఆయన తిరువనంతపురంలో ప్రధాని నరేంద్ర మోదీ పాల్గొన్న ఒక అధికారిక సమావేశంలో ప్రత్యక్షం కావడం రాజకీయ ప్రకంపనలు సృష్టిస్తోంది. సొంత పార్టీ భేటీ కంటే ప్రధాని కార్యక్రమానికే ఆయన ప్రాధాన్యత ఇవ్వడం, ఆయన రాజకీయ భవిష్యత్తుపై కొత్త సంకేతాలను ఇస్తోంది.
Bhatti Vikramarka: తెలంగాణలో రేపటి నుంచి సన్నాహక సమావేశాలు
శశిథరూర్ అసంతృప్తి వెనుక బలమైన కారణాలు ఉన్నాయని విశ్లేషకులు భావిస్తున్నారు. గతంలో ప్రధాని మోదీ పాలనా దక్షతను, ఆయన పనితీరును థరూర్ పలుమార్లు ప్రశంసించడం కాంగ్రెస్ హైకమాండ్కు మింగుడుపడలేదు. అప్పటి నుంచే పార్టీ ఆయన్ను కొంత దూరం పెడుతూ వస్తోంది. ముఖ్యంగా, ఇటీవల జరిగిన ఒక బహిరంగ సభలో రాహుల్ గాంధీ తన ప్రసంగంలో రాష్ట్రంలోని కీలక నేతలందరి పేర్లను ప్రస్తావించి, థరూర్ పేరును ఉద్దేశపూర్వకంగా విస్మరించడం ఆయనను తీవ్రంగా గాయపరిచినట్లు తెలుస్తోంది. ఈ అవమానం కారణంగానే ఆయన పార్టీ కార్యక్రమాలకు దూరంగా ఉంటున్నారనే ప్రచారం జరుగుతోంది.
ప్రస్తుత పరిణామాలు శశిథరూర్ త్వరలోనే బీజేపీ తీర్థం పుచ్చుకుంటారనే వార్తలకు ఊతమిస్తున్నాయి. కేరళలో బలపడాలని చూస్తున్న బీజేపీకి థరూర్ వంటి అంతర్జాతీయ గుర్తింపు ఉన్న మేధావి తోడైతే, అది ఆ పార్టీకి పెద్ద ప్లస్ పాయింట్ అవుతుంది. “తటస్థ వాది”గా గుర్తింపు పొందిన థరూర్, కాంగ్రెస్లో తనకు సరైన గుర్తింపు లభించడం లేదనే భావనలో ఉన్నట్లు సమాచారం. ఒకవేళ ఆయన కాంగ్రెస్కు గుడ్ బై చెప్పి కమలం గూటికి చేరితే, అది కేరళ అసెంబ్లీ ఎన్నికల సమీకరణాలను పూర్తిగా మార్చివేసే అవకాశం ఉంది. అయితే ఈ ఊహాగానాలపై థరూర్ ఇప్పటివరకు అధికారికంగా స్పందించలేదు.
Read hindi news: http://hindi.vaartha.com
Epaper : epaper.vaartha.com
