తాడిపత్రిలో నూతన సంవత్సర వేడుకలను ఘనంగా నిర్వహించేందుకు టీడీపీ నేత, మున్సిపల్ ఛైర్మన్ జేసీ ప్రభాకర్ రెడ్డి (JC Prabhakar Reddy) ప్రత్యేక ఏర్పాట్లు చేస్తున్నారు. మూడు రోజుల పాటు కొనసాగే ఈ న్యూఇయర్ సెలెబ్రేషన్స్కు సంబంధించి పూర్తి ప్రణాళికను ఆయన వెల్లడించారు. పెన్నానది ఒడ్డున ఉన్న పార్కును వేడుకల వేదికగా ఎంపిక చేసినట్లు తెలిపారు.
Read also: AP: మహిళలు కోసం ‘కిల్కారి’ పథకం
JC Prabhakar Reddy
గతేడాది ఇదే ప్రాంతంలో జరిగిన న్యూఇయర్ వేడుకలపై సినీ నటి మాధవీలత చేసిన వ్యాఖ్యలు అప్పట్లో వివాదానికి దారి తీసిన విషయం తెలిసిందే. అయితే ఆ అంశంలో ఇరువర్గాల మధ్య ఇప్పుడు పూర్తిస్థాయిలో రాజీ కుదిరిందని జేసీ ప్రభాకర్ రెడ్డి స్పష్టం చేశారు. ఈ నేపథ్యంలో ఈసారి నూతన సంవత్సర వేడుకలకు మాధవీలతను ఆహ్వానించనున్నట్లు తెలిపారు. అయితే ఆమె హాజరు పూర్తిగా ఆమె వ్యక్తిగత ఇష్టానుసారమేనని చెప్పారు.
డిసెంబర్ 29 నుంచి 31 వరకు జరిగే ఈ వేడుకల్లో
డిసెంబర్ 29 నుంచి 31 వరకు జరిగే ఈ వేడుకల్లో అన్ని వర్గాల ప్రజలు పాల్గొనేలా ప్రత్యేక కార్యక్రమాలు రూపొందించినట్లు జేసీ వెల్లడించారు. చిన్నపిల్లలు, యువత, పెద్దల కోసం విడివిడిగా వినోద కార్యక్రమాలు ఏర్పాటు చేస్తున్నామని తెలిపారు. వేడుకల సందర్భంగా ఎలాంటి అవాంఛనీయ ఘటనలు జరగకుండా పోలీస్ శాఖతో సమన్వయం చేసుకుంటూ కట్టుదిట్టమైన భద్రతా ఏర్పాట్లు చేస్తామని, ప్రజలు సహకరించి శాంతియుతంగా నూతన సంవత్సరాన్ని జరుపుకోవాలని ఆయన విజ్ఞప్తి చేశారు.
Read hindi news: hindi.vaartha.com
Epaper: epaper.vaartha.com
Read Also:
