West Bengal Election Schedule 2026: పశ్చిమ బెంగాల్లో ప్రజాస్వామ్య పండుగకు తెరలేచింది. 294 స్థానాలున్న బెంగాల్ అసెంబ్లీకి రెండు దశల్లో ఎన్నికలు నిర్వహించనున్నట్లు కేంద్ర ఎన్నికల సంఘం ఆదివారం ప్రకటించింది. గతంలో ఎనిమిది దశల్లో జరిగిన ఎన్నికలను, ఈసారి కేవలం రెండు దశలకే పరిమితం చేయడం గమనార్హం. షెడ్యూల్ విడుదల కావడంతో రాష్ట్రంలో తక్షణమే ఎన్నికల కోడ్ (Model Code of Conduct) అమల్లోకి వచ్చింది.
Read Also: Mamata Banerjee: పూజారులకు గుడ్ న్యూస్.. ఎన్నికల కోడ్కు ముందే జీతాల పెంపు.
ఎన్నికల గణాంకాలు
పశ్చిమ బెంగాల్లో మొత్తం 6.45 కోట్ల మంది రిజిస్టర్డ్ ఓటర్లు ఉన్నారు. వీరి కోసం రాష్ట్రవ్యాప్తంగా 80,719 పోలింగ్ స్టేషన్లను ఏర్పాటు చేస్తున్నారు. దేశవ్యాప్తంగా పశ్చిమ బెంగాల్తో పాటు మరో మూడు రాష్ట్రాలు (తమిళనాడు, కేరళ, అసోం), పుదుచ్చేరి కేంద్రపాలిత ప్రాంతాల్లో కలిపి మొత్తం 824 నియోజకవర్గాల్లో ఎన్నికలు జరగనున్నాయి.
West Bengal Election Schedule 2026: పశ్చిమ బెంగాల్ ఎన్నికల షెడ్యూల్ – 2026
| ఎన్నికల ప్రక్రియ | మొదటి దశ (152 స్థానాలు) | రెండో దశ (142 స్థానాలు) |
| గెజిట్ నోటిఫికేషన్ విడుదల | మార్చి 30, 2026 | ఏప్రిల్ 2, 2026 |
| నామినేషన్ల దాఖలుకు చివరి తేదీ | ఏప్రిల్ 6, 2026 | ఏప్రిల్ 9, 2026 |
| నామినేషన్ల పరిశీలన | ఏప్రిల్ 7, 2026 | ఏప్రిల్ 10, 2026 |
| నామినేషన్ల ఉపసంహరణ గడువు | ఏప్రిల్ 9, 2026 | ఏప్రిల్ 13, 2026 |
| పోలింగ్ తేదీ | ఏప్రిల్ 23, 2026 | ఏప్రిల్ 29, 2026 |
| ఓట్ల లెక్కింపు (ఫలితాలు) | మే 4, 2026 | మే 4, 2026 |
ముఖ్య అంశాలు:
- మొదటి దశ: ఏప్రిల్ 23న 152 నియోజకవర్గాల్లో పోలింగ్ జరుగుతుంది.
- రెండో దశ: ఏప్రిల్ 29న మిగిలిన 142 నియోజకవర్గాల్లో పోలింగ్ నిర్వహిస్తారు.
- ఫలితాలు: మే 4వ తేదీన ఓట్ల లెక్కింపు చేపట్టి ఫలితాలను వెల్లడిస్తారు.
మొత్తం ప్రక్రియను పర్యవేక్షించేందుకు 25 లక్షల మంది ఎన్నికల సిబ్బంది పనిచేయనున్నారు. ఈ ఎన్నికల్లో ఎలక్ట్రానిక్ ఓటింగ్ మెషీన్లు (EVM), ఓటర్ వెరిఫైబుల్ పేపర్ ఆడిట్ ట్రయల్ (VVPAT)లను పూర్తిస్థాయిలో వినియోగించనున్నారు.
Read hindi news: hindi.vaartha.com
Epaper : epaper.vaartha.com
Read Also:
