సాధారణంగా మనిషి చనిపోయిన వెంటనే అంత్యక్రియలు నిర్వహిస్తుంటారు. ఒకవేళ చనిపోయిన వాళ్ల బంధువులు వేరే ప్రాంతాల్లో ఉన్నా, వారు వేరే ప్రాంతంలో చనిపోయినా మృతదేహం కుటుంబ సభ్యులకు అప్పగించే వరకు అంత్యక్రియలను నిలిపి వేస్తుంటారు. కానీ కుటుంబ సభ్యుల దగ్గరే ఆ దేశ మాజీ అధ్యక్షుడి మృతదేహం ఉన్నప్పటికీ 20 రోజులుగా అంత్యక్రియలు నిర్వహించడం లేదు. ప్రస్తుతం ఉన్న సర్కారు, కుటుంబ సభ్యులకు మధ్య అంత్యక్రియల విషయంలో వివాదం చెలరేగింది. దీని వల్లే ఇన్ని రోజులుగా ఆయన అంత్యక్రియలు నిలిచిపోయాయి.
హిచిలేమాపై దేశద్రోహం అభియోగాలు
ఆఫ్రికా దేశమైన జాంబియా మాజీ అధ్యక్షుడు ఎడ్రగ్ లుంగూZambia Ex-president Edger lungu) 2015 నుంచి 2021 వరకు జాంబియా అధ్యక్షుడి(Zambia President)గా పని చేశారు. 2016 అధ్యక్ష ఎన్నికల్లో ఆయన హిచిలేమాను ఓడించి విజయం సాధించారు. అయితే ఆ తర్వాత హిచిలేమాపై దేశద్రోహం అభియోగాలు మోపి ఆమెను నాలుగు నెలలు జైల్లో వేశారు. దీంతో అంతర్జాతీయ వ్యాప్తంగా లుంగూపై విమర్శలు వచ్చాయి. 2021 ఎన్నికల్లో హిచిలేమా చేతిలో లుంగూ ఓడిపోయారు. ఆ తర్వాత హిచేలామా(Hichilamaa) ప్రభుత్వం.. గతేడాది లుంగూ గృహ నిర్బంధంలో ఉంచినట్లు ఆయన ఆరోపించారు. ఇలా ఇద్దరి మధ్య చాలా రోజులుగా రాజకీయ వైరం కొనసాగుతోంది.
ఇటీవలే తీవ్ర అనారోగ్యానికి గురైన లుంగూ జూన్ 5వ తేదీన ప్రాణాలు కోల్పోయారు. 68 ఏళ్ల వయసు కల్గిన ఆయన దక్షిణాఫ్రికా ఆసుపత్రిలో మరణించారు. ముఖ్యంగా తాను భవిష్యత్తులో చనిపోతే అంత్యక్రియలకు హిచిలేమా హాజరు కాకూడదని లుంగూ గతంలోనే స్పష్టం చేశారు. దీంతో కుటుంబ సభ్యులు ఆమెను అంత్యక్రియలకు రానివ్వమని తేల్చి చెప్పారు. కానీ ప్రస్తుతం ఆమె అధికారంలో ఉండడం, చనిపోయింది ఓ మాజీ అధ్యక్షుడు కావడంతో ప్రభుత్వ లాంఛనాలతో అంత్యక్రియలు నిర్వహించాలని నిర్ణయించారు. దీన్ని లుంగూ కుటుంబ సభ్యులు తీవ్రంగా ఖండిస్తున్నారు.
మేమే ఆయన అంత్యక్రియలు నిర్వహిస్తామంటూ గొడవ
మేమే ఆయన అంత్యక్రియలు నిర్వహిస్తామంటూ గొడవ చేస్తున్నారు. ముఖ్యంగా దక్షిణాఫ్రికాలో చేయాలని నిర్ణయించారు. ఇందుకోసం జోహన్నెస్బర్గ్లోని ఓ ప్రైవేటు శ్మశాన వాటికలో ఏర్పాట్లు కూడా చేశారు. లుంగూకు చెందిన పార్టీ నేతలు కూడా ఇక్కడకు చేరుకున్నారు. కానీ ప్రభుత్వ లాంఛనాలతో నిర్మిస్తామని సర్కారు వీటిని అడ్డుకుంది. ఇలా ఇప్పటికే రెండు సార్లు అంత్యక్రియలు వాయిదా పడ్డాయి. జూన్ 25వ తేదీన తాజాగా జరగాల్సి ఉండగా.. అంత్యక్రియలకు గంట ముందు వాటిని ఆపాలని కోరుతూ.. జాంబియా అటార్నీ జనరల్ ములిలో కబేషా దక్షిణాఫ్రికా కోర్టులో పిటిషన్ దాఖలు చేశారు.
లుంగూ మృతిని గౌరవంగా స్మరించుకోవాలని, జాంబియా పౌరులందరూ నివాళులర్పించే అవకాశం కల్పించాలని పిటిషన్లో కోరారు. ఇప్పటికే అధ్యక్షులు అందరినీ ఖననం చేసే స్మశాన వాటికలో లుంగూ కోసం సమాధిని కూడా సిద్ధం చేసినట్లు తెలిపారు. ఇరు వర్గాల వాదనలు విన్న న్యాయస్థానం తదుపరి విచారణను ఆగస్టుకు వాయిదా వేసింది. అయితే ఆలోపే ఇరు వర్గాలు ఏకాభిప్రాయానికి వచ్చే అవకాశం ఉందని అక్కడి రాజకీయ వర్గాలు ఆశాభావం వ్యక్తం చేస్తున్నాయి.
Read Also: Iran-Israel war : ఇరాన్ నుంచి మరో 296 మంది భారతీయుల తరలింపు
