CM Chandrababu Teleconference : మురసు తుపానుపై సీఎం చంద్రబాబు హై అలర్ట్

CM Chandrababu Teleconference : అర్నబ్‌ తుపాను సృష్టించిన విధ్వంసం నుంచి ఆంధ్రప్రదేశ్‌ ఇంకా పూర్తిగా కోలుకోకముందే మరో తుపాను మురసు రూపంలో రాష్ట్రంపై విరుచుకుపడింది. ఉమ్మడి గుంటూరు, ప్రకాశం జిల్లాల్లో తుపాను ప్రభావం తీవ్రంగా కనిపిస్తోంది. ఒంగోలు సమీపంలోని కొత్తపట్నం వద్ద తీరాన్ని దాటిన మురసు తుపాను కారణంగా తీర ప్రాంతాల్లో భారీ వర్షాలు, బలమైన ఈదురుగాలులు వీచాయి. పలుచోట్ల చెట్లు, విద్యుత్‌ స్తంభాలు నేలకూలడంతో విద్యుత్‌ సరఫరాకు అంతరాయం ఏర్పడింది. తుపాను పరిస్థితులపై ముఖ్యమంత్రి చంద్రబాబు నాయుడు ఉన్నతాధికారులు, జిల్లా కలెక్టర్లతో టెలీకాన్ఫరెన్స్‌ నిర్వహించారు. ప్రజల ప్రాణాలను కాపాడటమే ప్రభుత్వ తొలి ప్రాధాన్యమని స్పష్టం చేశారు. రానున్న నాలుగు నుంచి ఐదు గంటలు అత్యంత కీలకమని పేర్కొంటూ ప్రజలు అత్యవసరమైతే తప్ప బయటకు రావద్దని సూచించారు. తుపాను ప్రభావం పూర్తిగా తగ్గే వరకు అధికారులు అప్రమత్తంగా ఉండాలని ఆదేశించారు.

రానున్న 5 గంటలు అత్యంత కీలకం.. ప్రజలు అప్రమత్తంగా ఉండాలి

మురసు తుపాను ప్రభావం నేపథ్యంలో ముఖ్యమంత్రి చంద్రబాబు ప్రజలకు కీలక హెచ్చరికలు జారీ చేశారు. ముఖ్యంగా బాపట్ల, గుంటూరు, ప్రకాశం, పల్నాడు, కృష్ణా, ఎన్టీఆర్‌, ఏలూరు, పశ్చిమగోదావరి జిల్లాల్లో వర్షాలు కొనసాగుతాయని అధికారులు సీఎంకు వివరించారు. ఒంగోలు, బాపట్ల సమీప ప్రాంతాల్లో తుపాను గంటకు 120 కిలోమీటర్ల వేగంతో పయనిస్తున్నట్లు అధికారులు వెల్లడించారు. ప్రకాశం, బాపట్ల జిల్లాల్లో వర్షపాతం పెరుగుతున్న నేపథ్యంలో రానున్న నాలుగు నుంచి ఐదు గంటలు కీలకమని సీఎం తెలిపారు. ఈ నేపథ్యంలో ప్రజలు ఈరోజు సాయంత్రం వరకు ఇళ్లలోనే ఉండాలని, అనవసర ప్రయాణాలకు దూరంగా ఉండాలని సూచించారు. ముఖ్యంగా తీర ప్రాంత ప్రజలు అధికారులు ఇచ్చే సూచనలను తప్పనిసరిగా పాటించాలని స్పష్టం చేశారు.

CM Chandrababu Teleconference : ప్రాణనష్టం జరగకుండా చూడటమే ప్రభుత్వ తొలి ప్రాధాన్యం

మురసు తుపాను ప్రభావంతో ఎలాంటి ప్రాణనష్టం జరగకుండా అన్ని శాఖల అధికారులు సమన్వయంతో పనిచేయాలని చంద్రబాబు ఆదేశించారు. తుపాను ప్రభావిత ప్రాంతాల్లో ప్రజలను సురక్షిత ప్రాంతాలకు తరలించాల్సిన అవసరం ఉంటే వెంటనే చర్యలు తీసుకోవాలని సూచించారు. తుపాను కారణంగా ఇబ్బందులు ఎదుర్కొంటున్న ప్రతి బాధితుడికి సహాయం అందించాలని, చివరి బాధితుడికి కూడా సాయం అందే వరకు అధికారులు విశ్రమించకూడదని స్పష్టం చేశారు. ప్రత్యేకంగా తీర ప్రాంతాలు, లోతట్టు ప్రాంతాల్లో పరిస్థితిని ఎప్పటికప్పుడు పర్యవేక్షించాలని జిల్లా కలెక్టర్లకు సూచించారు. అత్యవసర సేవలకు ఎలాంటి అంతరాయం కలగకుండా ముందస్తు ఏర్పాట్లు చేయాలని ఆదేశించారు. మురసు తుపాను కారణంగా ప్రకాశం, బాపట్ల జిల్లాల్లో బలమైన ఈదురుగాలులు వీచాయి. పలుచోట్ల భారీ చెట్లు విరిగిపడ్డాయి. విద్యుత్‌ స్తంభాలు నేలకూలడంతో అనేక ప్రాంతాల్లో విద్యుత్‌ సరఫరా నిలిచిపోయింది. ఈ పరిస్థితులపై స్పందించిన సీఎం చంద్రబాబు విద్యుత్‌ శాఖ అధికారులకు కీలక ఆదేశాలు జారీ చేశారు.