APPSC : ఆంధ్రప్రదేశ్ పబ్లిక్ సర్వీస్ కమిషన్ (APPSC) గ్రూప్-1 పరీక్షల మూల్యాంకనంలో జరిగినట్లు ఆరోపణలు ఎదుర్కొంటున్న అక్రమాల వ్యవహారంలో ఎన్‌ఫోర్స్‌మెంట్ డైరెక్టరేట్ (ED) దర్యాప్తును వేగవంతం చేసింది. ఈ కేసుకు సంబంధించి తెలంగాణ, ఆంధ్రప్రదేశ్ రాష్ట్రాల్లోని మొత్తం ఏడు ప్రాంతాల్లో అధికారులు తనిఖీలు నిర్వహించారు. హైదరాబాద్, దాని పరిసర ప్రాంతాల్లో ఆరు చోట్ల, గుంటూరు జిల్లాలో మరో చోట ఈ సోదాలు చేపట్టారు. గ్రూప్-1 పరీక్షల నిర్వహణ, సమాధాన పత్రాల మూల్యాంకనం ప్రక్రియలో చోటుచేసుకున్నట్లు ఆరోపణలు, వాటి వెనుక ఉన్న వ్యక్తులు, ఆర్థిక లావాదేవీలకు సంబంధించిన అంశాలపై ఈడీ అధికారులు వివరాలు సేకరిస్తున్నట్లు తెలుస్తోంది.
66 మందితో ఆన్సర్ షీట్ల మూల్యాంకనం చేయించారనే ఆరోపణలు
ఈ కేసులో 2020లో నిర్వహించిన గ్రూప్-1 మెయిన్స్ పరీక్షల మూల్యాంకన ప్రక్రియ కీలకంగా మారింది. అభ్యర్థుల సమాధాన పత్రాలను అర్హత లేని 66 మందితో మూల్యాంకనం చేయించినట్లు ప్రత్యేక దర్యాప్తు బృందం (SIT) ఆరోపించింది. ఈ వ్యవహారంలో పరీక్షల మూల్యాంకన విధానం, నిబంధనల ఉల్లంఘన, బాధ్యుల పాత్ర వంటి అంశాలపై ఇప్పటికే దర్యాప్తు కొనసాగుతోంది. తాజాగా ఈడీ రంగంలోకి దిగి ఏడు ప్రాంతాల్లో సోదాలు నిర్వహించడం కేసులో ప్రాధాన్యత సంతరించుకుంది. ఈ తనిఖీల్లో సేకరించిన సమాచారం, లభించే ఆధారాల ఆధారంగా తదుపరి చర్యలు తీసుకునే అవకాశం ఉంది. దీంతో APPSC గ్రూప్-1 మూల్యాంకన వివాదం మరోసారి తెలుగు రాష్ట్రాల్లో చర్చనీయాంశంగా మారింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
