TRAI New Rules: భారత టెలికాం రంగంలో విప్లవాత్మక మార్పులు, సేవల నాణ్యతను పెంచే దిశగా టెలికాం రెగ్యులేటరీ అథారిటీ ఆఫ్ ఇండియా (TRAI) కీలక ముందడుగు వేసింది. ఒక నెట్‌వర్క్ నుంచి మరొక నెట్‌వర్క్‌కు కాల్స్‌ను సజావుగా అనుసంధానం చేసే ఇంటర్‌కనెక్షన్ వ్యవస్థను సరికొత్త సాంకేతికతకు అనుగుణంగా ఆధునీకరిస్తూ ‘టెలికమ్యూనికేషన్ ఇంటర్‌కనెక్షన్ (మూడో సవరణ) రెగ్యులేషన్స్-2026’ను అధికారికంగా విడుదల చేసింది. ఈ నూతన నిబంధనలు 2027 జనవరి 1 నుంచి అమలులోకి రానున్నాయి. ఈ నిర్ణయం వల్ల దేశంలో కాల్ క్వాలిటీ గణనీయంగా మెరుగుపడటంతో పాటు టెలికాం నెట్‌వర్క్‌ల సామర్థ్యం పెరగనుంది.
Read Also : IDBI Bank strike: నేడు ఏటీఎం విత్‌డ్రాలు ఉచితం!
TRAI New Rules: ‘ఎల్ఎస్ఏ’ స్థాయికి ఇంటర్‌కనెక్షన్ పాయింట్లు.. త్వరగా కనెక్ట్ కానున్న కాల్స్
ప్రస్తుతం షార్ట్ డిస్టెన్స్ ఛార్జింగ్ ఏరియా (SDCA), లాంగ్ డిస్టెన్స్ ఛార్జింగ్ ఏరియా (LDCA) స్థాయిలో ఉన్న ఇంటర్‌కనెక్షన్ పాయింట్లను (PoI) ఇకపై నేరుగా ‘లైసెన్స్డ్ సర్వీస్ ఏరియా’ (LSA) స్థాయికి మార్చాలని ట్రాయ్ ప్రతిపాదించింది. ప్రస్తుతం ఉన్న మొత్తం నెట్‌వర్క్ ట్రాఫిక్‌ను రాబోయే మూడేళ్ల కాలంలో దశలవారీగా ఎల్ఎస్ఏ స్థాయికి బదిలీ చేయాలని టెలికం సంస్థలను ఆదేశించింది. ఈ కీలక మార్పు వల్ల కాల్స్ రూటింగ్ ప్రక్రియ చాలా సులభతరం కావడమే కాకుండా, కాల్ కనెక్ట్ అయ్యే సమయం (లేటెన్సీ) తగ్గి, వినియోగదారులకు మరింత విశ్వసనీయమైన సేవలు లభిస్తాయి.
పాత ఈ1/టీడీఎం టెక్నాలజీకి స్వస్తి.. ఐపీ ఆధారిత వ్యవస్థలోకి అడుగు!
మరో ప్రధాన సంస్కరణ ఏమిటంటే, దేశంలో ఉన్న పాత ఈ1/టీడీఎం (E1/TDM) టెక్నాలజీకి స్వస్తి పలికి మొత్తం ఇంటర్‌కనెక్షన్ వ్యవస్థను ఆధునిక ఇంటర్నెట్ ప్రోటోకాల్ (IP) ఆధారిత సాంకేతికతలోకి మార్చడం. ఇకపై కొత్తగా ఏర్పాటు చేసే ప్రతి ఇంటర్‌కనెక్షన్ పాయింట్ తప్పనిసరిగా ఐపీ ఆధారితంగానే ఉండాలని ట్రాయ్ స్పష్టం చేసింది. ఇప్పటికే ఉన్న పాత టెక్నాలజీ పాయింట్లను కూడా రాబోయే మూడేళ్ల వ్యవధిలో పూర్తిగా ఐపీ సిస్టమ్‌కు మార్చాల్సి ఉంటుంది. దీనిద్వారా బ్యాండ్‌విడ్త్ వినియోగం క్రమబద్ధీకరించబడి, వాయిస్ కాల్ నాణ్యత స్పష్టంగా ఉంటుంది.
టెలికం సంస్థలు తమ కార్యాచరణ అవసరాల దృష్ట్యా పాయింట్ ఆఫ్ ఇంటర్‌కనెక్షన్‌లను (PoI) స్వచ్ఛందంగా అప్పగించే (సరెండర్) సదుపాయాన్ని నూతన నిబంధనల్లో కల్పించారు. గతంలో కేవలం నెట్‌వర్క్ డిస్‌కనెక్షన్ నిబంధన మాత్రమే అందుబాటులో ఉండేది.
వడ్డీ రేట్లు, జరిమానాలు, బ్యాంక్ గ్యారంటీలలో మార్పులు
ఈ సవరణల్లో భాగంగా చెల్లింపుల ఆలస్యం, నిబంధనల అమలుపై కూడా ట్రాయ్ స్పష్టతనిచ్చింది:
- ఆలస్య రుసుముపై వడ్డీ: ఇంటర్‌కనెక్షన్ ఛార్జీల చెల్లింపులో ఆలస్యమైతే విధించే వడ్డీకి సంబంధించి, ఎస్‌బీఐ (SBI) ఒక ఏడాది ఎంసీఎల్ఆర్ (MCLR) రేటుకు అదనంగా 2% వడ్డీని వసూలు చేసుకోవడానికి అనుమతిచ్చింది.
- బ్యాంక్ గ్యారంటీల పెంపు: టెలికం ఆపరేటర్లకు సంబంధించి బ్యాంక్ గ్యారంటీ కాలపరిమితిని 6 నెలల నుంచి 12 నెలలకు పొడిగించింది.
- కఠిన పర్యవేక్షణ: ఈ నూతన నిబంధనలను ఆపరేటర్లు సరిగ్గా అమలు చేస్తున్నారా లేదా అని నిరంతరం పర్యవేక్షించడానికీ, ఉల్లంఘనలకు పాల్పడే సంస్థలపై దశలవారీగా భారీ ఆర్థిక జరిమానాలు విధించడానికీ పటిష్ఠమైన యంత్రాంగాన్ని ఏర్పాటు చేస్తున్నట్లు ట్రాయ్ స్పష్టం చేసింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
