ఆంధ్రప్రదేశ్ రాష్ట్ర రాజకీయ వాతావరణం మరోసారి వేడెక్కింది. విశాఖపట్నంలోని అంతర్జాతీయ క్రికెట్ స్టేడియం పేరు నుంచి దివంగత ముఖ్యమంత్రి వైఎస్ రాజశేఖరరెడ్డి (వైఎస్ఆర్) పేరు తొలగింపు వివాదాస్పదంగా మారింది. కూటమి ప్రభుత్వం తీసుకున్న ఈ నిర్ణయంపై వైసీపీ నేతలు, వైఎస్ఆర్ అభిమానులు తీవ్రంగా మండిపడుతున్నారు. స్టేడియానికి వైఎస్ఆర్ పేరును తిరిగి పెట్టాలని వారు డిమాండ్ చేస్తున్నారు.
ప్రభుత్వం తీసుకున్న తాజా నిర్ణయంతో వైఎస్ఆర్ పేరును నిలిపివేయడం కంటే రాజకీయ కారణాలే ఎక్కువగా ఉన్నాయనే విమర్శలు వస్తున్నాయి. అసెంబ్లీ సమావేశాల్లో భాగంగా వైఎస్ఆర్ జిల్లా పేరును వైఎస్ఆర్ కడప జిల్లాగా మార్చిన ప్రభుత్వం, తాడిగడప మున్సిపాలిటీ, విశాఖ క్రికెట్ స్టేడియానికి వైఎస్ఆర్పేరును తొలగించింది. ఈ పరిణామాలు వైసీపీ శ్రేణుల్లో తీవ్ర అసంతృప్తికి దారితీశాయి.
వైసీపీ నేతల నిరసన – వైజాగ్ స్టేడియం వద్ద ఆందోళన
ఈ నిర్ణయానికి వ్యతిరేకంగా వైసీపీ నాయకులు, కార్యకర్తలు భారీ స్థాయిలో నిరసన కార్యక్రమాలకు పిలుపునిచ్చారు. విశాఖపట్నంలోని మధురవాడ క్రికెట్ స్టేడియం వద్ద వైఎస్ఆర్ విగ్రహం వద్ద వైసీపీ కార్యకర్తలు ఆందోళన చేపట్టారు. ఈ సందర్భంగా వారు మాట్లాడుతూ-వైఎస్ఆర్ పేరు తొలగించడం ప్రజాస్వామ్యానికి వ్యతిరేకం. ప్రజల మనసుల్లో ఆయన చిరస్థాయిగా ఉంటారు అని అన్నారు. పేరు తొలగించినంత మాత్రాన వైఎస్ఆర్ సాధించిన మేలు చెరగదు. ఇది కేవలం రాజకీయ కక్షసాధింపు అని నేతలు ఆరోపించారు. స్టేడియానికి తిరిగి వైఎస్ఆర్ పేరును పెట్టకపోతే, రాష్ట్రవ్యాప్తంగా పెద్దఎత్తున ఆందోళనలు చేస్తాం అని హెచ్చరించారు.
ఈ వివాదంపై అధికార కూటమి నేతలు స్పందిస్తూ, ప్రత్యేక కారణం లేకుండానే స్టేడియానికి పేరు మార్చాలని ప్రభుత్వం నిర్ణయించిందని, దీనికి రాజకీయ కోణం లేదని తెలిపారు. అయితే, వైసీపీ నేతలు మాత్రం దీన్ని వైఎస్ఆర్ లెగసీని పూర్తిగా మర్చిపోయే కుట్రగా అభివర్ణిస్తున్నారు. తాజా పరిణామాలపై టీడీపీ నేతలు, జనసేన పార్టీ నాయకులు మౌనంగా ఉండగా, వైసీపీ మాత్రం తన నిరసనలను మరింత ఉధృతం చేసేందుకు సిద్ధమవుతోంది. విశాఖపట్నం అంతర్జాతీయ క్రికెట్ స్టేడియంలో ఈ నెల 24, 30 తేదీల్లో ఐపీఎల్ మ్యాచ్‌లు జరగనున్నాయి. ఈ క్రమంలో అల్లర్లను అరికట్టేందుకు పోలీసులు భారీ బందోబస్తును ఏర్పాటు చేశారు. అయితే, నిరసనలు కొనసాగుతాయా? లేదా మ్యాచ్‌లకు ఎలాంటి ఇబ్బందులు ఉండకూడదని ప్రభుత్వం చర్యలు తీసుకుంటుందా? అనేది వేచి చూడాలి.
రైతుల సంక్షేమం కోసం ఆంధ్రప్రదేశ్ ప్రభుత్వం ప్రతిష్టాత్మకంగా ప్రారంభించనున్న అన్నదాత సుఖీభవ పథకం అమలుకు కసరత్తు ప్రారంభించింది. AP government is working to start the Read more
హైదరాబాద్‌ : గురుకులాల్లో చోటు చేసుకుంటున్న వరుస విషాద ఘటనల నేపథ్యంలో ఈనెల 30 నుండి డిసెంబర్‌ ఏడో తేదీ వరకు బీఆర్ఎస్ పార్టీ తరపున "గురుకుల Read more
దొండకాయను ప్రతిరోజూ ఒక కప్పు మోతాదులో తీసుకోవడం వల్ల శరీరానికి కావాల్సిన పుష్కల పోషకాలు అందుతాయని ఆరోగ్య నిపుణులు చెబుతున్నారు. ఈ కూరగాయలో ఉండే విటమిన్లు, ఖనిజాలు Read more
నాగచైతన్య, సాయి పల్లవి జంటగా నటించిన రొమాంటిక్ యాక్షన్ థ్రిల్లర్ ‘తండేల్’ బాక్సాఫీస్ వద్ద భారీ విజయాన్ని నమోదు చేసింది. ఈ సినిమా ఫిబ్రవరి 7న థియేటర్లలో Read more