అమెరికా అధ్యక్షుడిగా రెండోసారి బాధ్యతలు స్వీకరించిన డొనాల్డ్ ట్రంప్, వలసదారుల విషయంలో మరింత కఠిన చర్యలు తీసుకుంటున్నారు.
అక్రమ వలసదారులపై ఇప్పటికే కఠిన చర్యలు
ట్రంప్ ప్రభుత్వం దేశంలో అక్రమంగా నివసిస్తున్న వలసదారులను బహిష్కరిస్తోంది. క్యూబా, హైతీ, నికరాగ్వా, వెనిజులా దేశాల తాత్కాలిక నివాసదారులను లక్ష్యంగా పెట్టుకుంది.
5.30 లక్షల మందికి లీగల్ స్టేటస్ రద్దు
ట్రంప్ సర్కారు తీసుకున్న తాజా నిర్ణయంతో వేలాది మంది తమ చట్టపరమైన హోదాను కోల్పోనున్నారు.
ఏప్రిల్ 24తో లీగల్ స్టేటస్ రద్దు హోంల్యాండ్ సెక్యూరిటీ ప్రకారం, 2022 అక్టోబర్ తర్వాత అమెరికాకు వచ్చిన 5,32,000 మంది లీగల్ స్టేటస్ కోల్పోతారు. ఫెడరల్ రిజిస్టర్ నోటీసు అనంతరం 30 రోజుల్లో అమలు
నిర్ణయాన్ని అధికారికంగా ప్రకటించిన 30 రోజుల తర్వాత తాత్కాలిక హోదా పూర్తిగా రద్దవుతుంది.
తాత్కాలిక నివాస హోదా అంటే ఏమిటి?
వివిధ దేశాల పౌరులకు అమెరికాలో తాత్కాలికంగా ఉండటానికి ఇచ్చే హోదా ఈ విధానం ద్వారా లభిస్తుంది.
యుద్ధాలు, రాజకీయ అనిశ్చితి, ప్రకృతి విపత్తుల కారణంగా USA ఆశ్రయించే ప్రజలు, సామాజిక, ఆర్థిక అస్థిరత ఉన్న దేశాల పౌరులకు తాత్కాలిక నివాస అవకాశం. ఈ తాజా ఆదేశం అమెరికాలో పెద్ద చర్చనీయాంశంగా మారింది.
విపక్ష పార్టీల నిరసనలు
వలసదారులకు మద్దతుగా ఉన్న డెమోక్రాట్లు ట్రంప్ నిర్ణయాన్ని తప్పుబడుతున్నారు. లీగల్ స్టేటస్ కోల్పోతున్న లక్షల మందికి భవిష్యత్తులో ఎన్నో సమస్యలు ఎదురయ్యే అవకాశం ఉంది. ట్రంప్ తీసుకున్న ఈ సంచలన నిర్ణయంతో వలసదారుల భవిష్యత్తు ప్రశ్నార్థకమవుతోంది. లీగల్ స్టేటస్ కోల్పోయే లక్షల మందికి అమెరికా విడిచి వెళ్లడం తప్పనిసరిగా మారనుంది.
