Madras HC-Vishal: ప్రముఖ హీరో విశాల్ కు మద్రాస్ హైకోర్టులో ఎదురుదెబ్బ తగిలింది. లైకా ప్రొడక్షన్స్కు సంబంధించిన ఆర్థిక వివాదంలో భాగంగా, వెంటనే రూ. 10 కోట్లను డిపాజిట్ చేయాలని న్యాయస్థానం ఆదేశించింది. ఈ మొత్తాన్ని చెల్లించేందుకు ఆరు వారాల గడువు ఇవ్వాలని విశాల్ దాఖలు చేసిన పిటిషన్ను కోర్టు కొట్టివేసింది. గడువు ఇచ్చేందుకు స్పష్టంగా నిరాకరించడంతో ఈ వ్యవహారం సినీ, న్యాయ వర్గాల్లో హాట్ టాపిక్గా మారింది.
Read Also: Virat-Anushka: ప్రేమానంద మహరాజ్ ఆశ్రమాన్ని సందర్శించిన విరాట్, అనుష్క
లైకా ప్రొడక్షన్స్కు విశాల్ రూ.21.29 కోట్లను 30 శాతం వడ్డీతో చెల్లించాలని గతంలో సింగిల్ జడ్జి తీర్పు ఇచ్చారు. ఈ తీర్పును సవాల్ చేస్తూ విశాల్ డివిజన్ బెంచ్ను ఆశ్రయించారు. దీనిపై విచారణ జరిపిన ధర్మాసనం, రూ.10 కోట్లు కోర్టులో డిపాజిట్ చేయాలనే షరతుతో మధ్యంతర స్టే మంజూరు చేసింది.అయితే, నిర్దేశిత గడువులోగా విశాల్ ఆ మొత్తాన్ని డిపాజిట్ చేయలేకపోయారు. తన బ్యాంకు ఖాతాలు స్తంభింపజేశారని, అందుకే డబ్బు సమీకరించడం కష్టంగా మారిందని విశాల్ తరఫు న్యాయవాది మంగళవారం జరిగిన విచారణలో కోర్టుకు తెలిపారు.
న్యాయపరంగా మార్గం సుగమం
ఈ మొత్తాన్ని చెల్లించేందుకు ఆరు వారాల గడువు కావాలని అభ్యర్థించారు.ఈ వాదనను జస్టిస్ సి.వి.కార్తికేయన్, జస్టిస్ కె.కుమరేష్ బాబులతో కూడిన ధర్మాసనం అంగీకరించలేదు. అసలు ఉత్తర్వులు ఇచ్చి ఇప్పటికే దాదాపు ఎనిమిది వారాలు గడిచిపోయిందని, ఇప్పుడు మరింత గడువు ఇవ్వలేమని తేల్చిచెప్పింది. ఈ పిటిషన్ను కొట్టివేయడంతో, సింగిల్ జడ్జి ఇచ్చిన తీర్పు ప్రకారం అప్పు రికవరీ కోసం లైకా ప్రొడక్షన్స్ ముందుకు వెళ్లేందుకు న్యాయపరంగా మార్గం సుగమమైంది.
Read hindi news: hindi.vaartha.com
Read Also Epaper : epaper.vaartha.com
Read Also:
