ఆపిల్ తన ఐఫోన్ 17 సిరీస్ను మరింత విస్తరిస్తూ.. తాజాగా ఐఫోన్ 17ఇ (iPhone 17e) ను మార్కెట్లోకి విడుదల చేసింది. తక్కువ బడ్జెట్లో లేటెస్ట్ ఐఫోన్ అనుభూతిని పొందాలనుకునే వారిని దృష్టిలో పెట్టుకుని ఆపిల్ దీనిని తీసుకొచ్చింది. మరి ఈ కొత్త మోడల్ ధర ఎంత? ఇందులో ఉన్న ప్రత్యేకతలు ఏంటి? అదే ధరలో లభించే ఇతర ఫోన్ల కంటే ఇది మెరుగైనదా? భారత మార్కెట్లో ఐఫోన్ 17ఇ ప్రారంభ ధర రూ. 64,900 (256GB) గా నిర్ణయించారు. అలాగే 512GB మోడల్ ధర రూ. 84,900 గా ఉంది. మార్చి 11 నుండి దీని అమ్మకాలు ప్రారంభం కానున్నాయి. ఇది బ్లాక్, వైట్ , సాఫ్ట్ పింక్ రంగుల్లో లభిస్తుంది.
Read Also: Iran War: ఇరాన్ వార్ దెబ్బకు వణుకుతున్న భారత ఐటీ సెక్టార్
ఐఫోన్ 17e: టాప్ ఫీచర్లు
చిప్సెట్: ఇందులో ఆపిల్ యొక్క లేటెస్ట్ A19 చిప్ (3nm) వాడారు. ఇది చాలా వేగంగా పని చేస్తుంది. అయితే ఐఫోన్ 17 తో పోలిస్తే ఇందులో 4-కోర్ జీపీయూ మాత్రమే ఉంటుంది.
డిస్ప్లే: 6.1 అంగుళాల OLED స్క్రీన్ ఉంటుంది. అయితే ఇందులో పాత తరహా నాచ్ డిజైన్, 60Hz రిఫ్రెష్ రేట్ మాత్రమే ఉన్నాయి.
కెమెరా: వెనుక వైపు 48 మెగాపిక్సెల్ ఫ్యూజన్ కెమెరా ఉంది. ఇది 4K వీడియో రికార్డింగ్ కు సపోర్ట్ చేస్తుంది. ముందు వైపు 12 మెగాపిక్సెల్ సెల్ఫీ కెమెరా ఉంటుంది.
బ్యాటరీ: ఒక్కసారి ఛార్జ్ చేస్తే 26 గంటల వీడియో ప్లేబ్యాక్ వస్తుందని ఆపిల్ పేర్కొంది.
ఐఫోన్ 17e vs ఐఫోన్ 17: ప్రధాన తేడాలు
మీరు మరికొంత డబ్బు ఖర్చు చేసి ఐఫోన్ 17 (ధర రూ. 82,900) తీసుకోవాలా? లేక 17e సరిపోతుందా? అంటే: ఐఫోన్ 17 లో డైనమిక్ ఐలాండ్ (Dynamic Island) , 120Hz రిఫ్రెష్ రేట్ ఉంటుంది. కానీ 17e లో పాత నాచ్ ఉంటుంది. అలాగే ఐఫోన్ 17 లో 12GB ర్యామ్ ఉంటే, 17e లో 8GB మాత్రమే ఉంటుంది. కెమెరా విషయానికి వస్తే 17e లో ఒకే కెమెరా ఉండగా.. ఐఫోన్ 17 లో డ్యూయల్ కెమెరా సెటప్ లభిస్తుంది.
ఐఫోన్ 17e కొనవచ్చా?
మీరు ఒక సింపుల్ ఐఫోన్ యూజర్ అయి ఉండి, సోషల్ మీడియా, వాట్సాప్ , సాధారణ ఫోటోల కోసం ఫోన్ వాడుతుంటే ఇది మంచి ఛాయిస్. ముఖ్యంగా ఆపిల్ ఇకో సిస్టమ్ లోకి తక్కువ ధరలో రావాలనుకునే వారికి ఇది బెస్ట్. అయితే ఒకవేళ మీరు గేమర్ అయ్యి ఉండి మీకు 120Hz స్మూత్ డిస్ప్లే కావాలనుకుంటే దీనికి దూరంగా ఉండటం మంచిది. అలాగే వైడ్ యాంగిల్ ఫోటోలు ఇష్టపడే వారికి ఇందులో సెకండరీ కెమెరా లేకపోవడం నిరాశ కలిగిస్తుంది. ఆండ్రాయిడ్ ఫోన్లలో లభించే ఫాస్ట్ ఛార్జింగ్ ఇందులో ఉండదు. మొత్తానికి ఐఫోన్ 17e (iPhone 17e) అనేది బ్రాండ్ వాల్యూ , లాంగ్ టర్మ్ సాఫ్ట్వేర్ అప్డేట్స్ కోరుకునే వారికి ఒక బ్యాలెన్స్డ్ ఫోన్. కానీ, ఫీచర్ల పరంగా చూస్తే ఈ ధరలో ఆండ్రాయిడ్ ఫోన్లు కాస్త ఎక్కువ ఆప్షన్లను అందిస్తున్నాయి.
Read hindi news: hindi.vaartha.com
Epaper: epaper.vaartha.com
Read Also:
