Gold rate today : దేశీయ మార్కెట్లో బంగారం ధరలు మళ్లీ పెరుగుదల బాట పట్టాయి. వరుసగా మూడో రోజు కూడా పసిడి రేట్లు ఎగబాకాయి. ఈ మూడు రోజుల్లోనే తులం బంగారం ధర దాదాపు రూ.5 వేల వరకు పెరగడం గమనార్హం. మరోవైపు వెండి ధర మాత్రం ఈరోజు స్థిరంగా కొనసాగుతోంది. అయితే అంతర్జాతీయ మార్కెట్లో మాత్రం బంగారం ధరలు స్వల్పంగా తగ్గడం విశేషం.
భారతీయులకు బంగారం అంటే ఉన్న అభిమానానికి తగ్గట్టుగానే ధరలు కూడా రోజు రోజుకు అందని స్థాయికి చేరుతున్నాయి. ఇటీవల కాస్త తగ్గి ఊరట కల్పించిన పసిడి, ఇప్పుడు మళ్లీ వేగంగా పెరుగుతోంది. గ్లోబల్ మార్కెట్లలో నెలకొన్న అనిశ్చిత పరిస్థితుల నేపథ్యంలో పెట్టుబడిదారులు సురక్షిత పెట్టుబడిగా బంగారాన్ని ఎంచుకుంటున్నారు. దీంతో అంతర్జాతీయంగా డిమాండ్ పెరిగి ధరలు ఆకాశాన్నంటుతున్నాయి.
ఇదిలా ఉండగా మరోవైపు దేశంలో వివాహాల సీజన్ ప్రారంభానికి సిద్ధమవుతోంది. పెళ్లిళ్లు అంటే బంగారం కొనుగోలు తప్పనిసరి కావడంతో, ధరల పెరుగుదల సామాన్యులపై అదనపు భారం మోపుతోంది. ఈ నేపథ్యంలో ఫిబ్రవరి 11వ తేదీన హైదరాబాద్ మార్కెట్లో బంగారం, వెండి ధరలు ఎలా ఉన్నాయో చూద్దాం.
Read Also: Yash: ‘టాక్సిక్’ మూవీ నిర్మాతలపై ఎఫ్ఐఆర్ నమోదు?
గ్లోబల్ మార్కెట్లో తగ్గిన బంగారం
అంతర్జాతీయ మార్కెట్లో పసిడి ధరలు ఎట్టకేలకు తగ్గాయి. ఈరోజు స్పాట్ గోల్డ్ ధర ఔన్సుకు సుమారు 17 డాలర్లు తగ్గి 5,038 డాలర్ల స్థాయికి చేరింది. అదే సమయంలో స్పాట్ వెండి ధర కూడా 1.20 శాతం మేర పడిపోయి ఔన్సుకు 81.55 డాలర్ల వద్ద ట్రేడవుతోంది.
హైదరాబాద్లో బంగారం రేట్లు
హైదరాబాద్ బులియన్ మార్కెట్లో మాత్రం బంగారం ధరలు పెరిగాయి. 22 క్యారెట్ల బంగారం ధర 10 గ్రాములకు రూ.800 పెరగడంతో తులం ధర రూ.1,45,550కు చేరింది. అలాగే 24 క్యారెట్ల మేలిమి బంగారం ధర 10 గ్రాములకు రూ.870 పెరిగి రూ.1,58,780 వద్ద ట్రేడవుతోంది. వరుస పెరుగుదలతో బంగారం రేట్లు మళ్లీ ఆల్టైమ్ హై స్థాయికి చేరువవుతున్నాయి.
వెండి ధరలో ఊరట
బంగారం ధరలు పెరిగినా వెండి ధర మాత్రం ఈరోజు మార్పుల్లేకుండా కొనసాగుతోంది. హైదరాబాద్ మార్కెట్లో కిలో వెండి ధర ప్రస్తుతం రూ.3 లక్షల వద్ద స్థిరంగా ఉంది. అంతర్జాతీయంగా వెండి ధరలు తగ్గిన నేపథ్యంలో, రానున్న రోజుల్లో దేశీయంగానూ వెండి రేట్లు తగ్గే అవకాశం ఉందని మార్కెట్ వర్గాలు అంచనా వేస్తున్నాయి.
గమనిక: పై ధరలు ఫిబ్రవరి 11వ తేదీ ఉదయం 7 గంటల సమయంలో ఉన్నవి. బులియన్ మార్కెట్ ధరలు రోజంతా మారుతుంటాయి. కొనుగోలు ముందు స్థానిక ధరలు తెలుసుకోవడం మంచిది.
Read hindi news: hindi.vaartha.com
Read Also Epaper : epaper.vaartha.com
Read Also:
