సంక్రాంతి పండుగ వేళ నిరుద్యోగులకు భారీ శుభవార్త. తెలంగాణ హైకోర్టు వివిధ విభాగాల్లో 1,673 ఖాళీల భర్తీకి రిక్రూట్మెంట్ డ్రైవ్ ప్రకటించింది. దరఖాస్తు ప్రక్రియ జనవరి 8న ప్రారంభమవుతుంది. ఆసక్తి గల అభ్యర్థులు జనవరి 31 వరకు తమ దరఖాస్తులను సమర్పించవచ్చు.
ఈ రిక్రూట్మెంట్ డ్రైవ్ను గమనిస్తే.. 1277 నాన్-టెక్నికల్ పోస్టులు, 184 టెక్నికల్ పోస్టులు, 212 జ్యుడీషియల్ మినిస్టీరియల్, సబార్డినేట్ సర్వీస్లో ఖాళీలు ఉన్నాయి. కంప్యూటర్ ఆపరేటర్లు, అసిస్టెంట్లు, కోర్ట్ మాస్టర్లు, స్టెనోగ్రాఫర్ గ్రేడ్ III, జూనియర్ అసిస్టెంట్లు, టైపిస్ట్లు అండ్ కాపీయిస్ట్ల వంటి వివిధ పోస్టులకు నియామకాలు ఉంటాయి.
వెబ్సైట్ ద్వారా దరఖాస్తు
ఈ స్థానాలకు దరఖాస్తు చేయడానికి, అభ్యర్థులు నేరుగా tshc.gov.in వెబ్సైట్లోకి వెళ్లి అప్లై చేసుకోవచ్చు. సైట్లో రిక్రూట్మెంట్ రిజిస్ట్రేషన్ లింక్పై క్లిక్ చేసి, అవసరమైన వివరాలు ఉపయోగించి నమోదు చేసుకోవాలి. దరఖాస్తు ఫారమ్ను పూరించాలి.
ఫారమ్ను పూర్తి చేసిన తర్వాత అభ్యర్థులు దానిని సమర్పించే ముందు దరఖాస్తు రుసుమును కట్టాలి. ఫారమ్ కాపీని డౌన్లోడ్ చేసుకోవడం మంచిది. గుర్తుంచుకోవలసిన ముఖ్యమైన తేదీలలో జనవరి 8న దరఖాస్తుల ప్రారంభం. జనవరి 31న గడువు ముగింపు.
