క్రిస్మస్ మరియు న్యూ ఇయర్ పండుగల క్రమంలో ప్రయాణికులను ఆకట్టుకోవడానికి తెలంగాణ (Telangana) రాష్ట్ర రోడ్డు రవాణా సంస్థ (TGSRTC) శుభవార్త అందించింది. ప్రయాణికులపై ఛార్జీల భారాన్ని తగ్గించే లక్ష్యంతో, సిటీలో 24 గంటలు ప్రయాణించడానికి ఉపయోగపడే ‘ట్రావెల్ యూజ్ యూ లైక్ (T24)’ టికెట్ ధరలను తగ్గించింది. త్వరలో పండుగల కారణంగా ప్రయాణికుల రద్దీ విపరీతంగా ఉండనుంది. ఈ డిస్కౌంట్ ఆఫర్ (Discount offer) డిసెంబర్ 31వ తేదీ వరకు మాత్రమే అందుబాటులో ఉంటుందని, ప్రయాణికులు ఈ అవకాశాన్ని వినియోగించుకోవాలని ఆర్టీసీ అధికారులు తెలిపారు. డిసెంబర్ 31 తర్వాత పాత రేట్లు యథావిధిగా అమల్లో ఉంటాయని స్పష్టం చేశారు.
Read Also: HYD: రాత్రి వేళ మెట్రో రైళ్ళ సమయం పెంచాలని కోరుతున్న నగర వాసులు
T24 టికెట్ కొత్త ధరల వివరాలు
ప్రయాణికులకు మరింత చేరువయ్యేందుకు టీజీఎస్ఆర్టీసీ ఈ రాయితీని ప్రకటించింది. ఈ తగ్గింపుల వివరాలు కింది విధంగా ఉన్నాయి:
| వర్గం | పాత ధర (రూపాయల్లో) | కొత్త ధర (రూపాయల్లో) |
| పెద్దలు (Adults) | 150 | 130 |
| మహిళలు/సీనియర్ సిటిజన్లు | 120 | 110 |
| పిల్లలు (Children) | 100 | 90 |
సిటీలో 24 గంటలు ప్రయాణించే అవకాశం
T24 టికెట్తో హైదరాబాద్ సిటీలో ప్రయాణికులు 24 గంటల పాటు ఎక్కడికైనా ప్రయాణించవచ్చు. ఈ టికెట్ సిటీ ఆర్డినరీ, మెట్రో ఎక్స్ప్రెస్, డీలక్స్ బస్సుల్లో వర్తిస్తుంది. పండుగల సమయంలో ఎక్కువమంది బయటకు వెళ్లడం లేదా బంధువులు, స్నేహితుల ఇంటికి వెళ్లడం వంటివి చేస్తుంటారు. ఈ నేపథ్యంలో, ప్రైవేట్ ఆపరేటర్లకు పోటీగా ప్రయాణికులపై ఛార్జీల భారాన్ని తగ్గించేందుకు టీజీఎస్ఆర్టీసీ ఈ డిస్కౌంట్ను ప్రకటించింది. దీనివల్ల ఆర్టీసీలో ఎక్కువమంది ప్రయాణించి, సంస్థ ఆదాయం కూడా పెరుగుతుందని అధికారులు అంచనా వేస్తున్నారు.
Read hindi news: hindi.vaartha.com
Epaper : epaper.vaartha.com
Read Also:
