పలుమార్లు పెండింగ్ చలానాలపై ప్రభుత్వం ప్రకటిస్తున్న రాయితీలను హైకోర్టు (High court) తీవ్రంగా విమర్శించింది. ఈ రాయితీలు ట్రాఫిక్ నియమాల పట్ల ప్రజల్లో భయం, గౌరవం తగ్గేలా ప్రభావితం చేస్తున్నాయని కోర్టు అభిప్రాయపడింది. తరచుగా డిస్కౌంట్లు ఇవ్వడం వల్ల క్రమశిక్షణ తగ్గిపోవడమే కాకుండా, ఎప్పుడో ఒకరోజు రాయితీ వస్తుందన్న భావన పెరిగి ఉల్లంఘనలు పెరిగే అవకాశం ఉందని కోర్టు సూచించింది. ఈ సందర్భంలో ఈ-చలానా వ్యవస్థలో మార్పులు చేసి, ఉల్లంఘనకు సంబంధించిన చట్ట సెక్షన్ వివరాలు స్పష్టంగా పొందుపరచే విధంగా ప్రభుత్వం చర్యలు తీసుకోవాలని హైకోర్టు ఆదేశించింది. కేంద్ర మోటారు వాహన నిబంధన 167 ప్రకారం ఇది తప్పనిసరి అని కూడా న్యాయస్థానం గుర్తు చేసింది.
Read also: TG Electricity Discom: జనవరి నుంచి కొత్త డిస్కం.. నేడు నిర్ణయం
హైదరాబాద్ తార్నాకకు చెందిన ఒక వ్యక్తి ట్రిపుల్ రైడింగ్పై విధించిన జరిమానాను సవాలు చేసిన పిటిషన్ విచారణ సందర్భంగా ఈ వ్యాఖ్యలు వెలువడ్డాయి. పిటిషనర్ తరఫు న్యాయవాది, చట్టం ప్రకారం ట్రిపుల్ రైడింగ్ జరిమానా రూ.100–300 మధ్య ఉండాల్సి ఉంటుందని, 2019 సవరణలను తెలంగాణ ప్రభుత్వం ఇంకా అమలు చేయకపోవడంతో పాత నిబంధనల ప్రకారమే చలానాలు జారీ చేయాలని వాదించారు. అలాగే చలానాలో ఏ సెక్షన్ కింద ఉల్లంఘన నమోదు చేశారన్న వివరాలు లేకపోవడం చట్టానికి విరుద్ధమని పేర్కొన్నారు. దీనిపై హోంశాఖ న్యాయవాది సాంకేతిక కారణాల వల్ల ప్రస్తుత వ్యవస్థలో పూర్తి చట్ట వివరాలు పొందుపరచడం సాధ్యం కాకపోయినా, వాటిని మెరుగుపరచే ప్రయత్నాలు జరుగుతున్నాయని తెలిపారు. సెక్షన్ 184 ప్రకారం జరిమానా రూ.1000 ఉండగా రూ.1200 ఎలా విధించారన్న అంశంపై మరింత పరిశీలన అవసరమని కోర్టు స్పష్టం చేస్తూ విచారణను వాయిదా వేసింది.
Read hindi news : hindi.vaartha.com
Epaper : epapervaartha.com
Read Also:
