ర్యాగింగ్ భరించలేక విద్యార్థి మృతి – కేపీహెచ్ బి పరిధిలో కలకలం

తెలంగాణలో హృదయాన్ని కలచివేసే ఘటన చోటుచేసుకుంది. హైదరాబాద్ కేపీహెచ్ బి పోలీస్ స్టేషన్ పరిధిలోని సాయినగర్‌లో ఉన్న ఓ ప్రైవేటు జూనియర్ కళాశాలలో ఇంటర్ ఫస్ట్ ఇయర్ చదువుతున్న శ్రీకేతన్ అనే విద్యార్థి ర్యాగింగ్ వేధింపులు తట్టుకోలేక ఉరేసుకుని ఆత్మహత్యకు పాల్పడ్డాడు. కాలేజీలో సీనియర్ విద్యార్థుల నుంచి జరుగుతున్న మానసిక వేధింపుల కారణంగా అతడు తీవ్ర ఒత్తిడికి లోనయ్యాడని తల్లిదండ్రులు ఆరోపిస్తున్నారు. ఈ ఘటన విద్యార్థుల భద్రతపై మరోసారి ఆందోళనను కలిగిస్తోంది.

tudent dies unable to bear ragging

విద్యార్థి మృతి చెందిన విషయం కుటుంబ సభ్యులకు ముందుగా తెలియజేయకుండా కాలేజీ యాజమాన్యం మృతదేహాన్ని ఆసుపత్రికి తరలించిందని తల్లిదండ్రులు ఆగ్రహం వ్యక్తం చేశారు. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు. ర్యాగింగ్ ఆరోపణలపై అన్ని కోణాల్లో విచారణ జరుపుతున్నామని పోలీసులు తెలిపారు. ఈ విషాద ఘటన నేపథ్యంలో విద్యాసంస్థల్లో ర్యాగింగ్‌ను పూర్తిగా అరికట్టేందుకు కఠిన చర్యలు తీసుకోవాలనే డిమాండ్ మరింత బలంగా వినిపిస్తోంది.

Read hindi news: hindi.vaartha.com

Epaper: epaper.vaartha.com