Panchayat Elections: తెలంగాణ(Telangana)లో జరుగుతున్న గ్రామ సర్పంచ్ ఎన్నికలు ఆసక్తికర మలుపులు తిరుగుతున్నాయి. ఈ ఎన్నికల్లో భాగంగా ఓ యువకుడు కార్పొరేట్ ఉద్యోగాన్ని వదిలేసి గ్రామ రాజకీయాల్లో అడుగుపెట్టడం ఇప్పుడు చర్చనీయాంశంగా మారింది. సంగారెడ్డి జిల్లా కొండాపూర్ మండలంలోని మల్కాపూర్ గ్రామానికి చెందిన ప్రవీణ్ కుమార్(Praveen Kumar) హైదరాబాద్లోని ఒక సాఫ్ట్వేర్ కంపెనీలో ఉద్యోగం చేస్తూ ఉండేవాడు.
Read Also: BRS: రేపు యాదాద్రి భువనగిరి జిల్లాలో కేటీఆర్ పర్యటన
సేవా దృక్పథం ప్రభావంతో
గ్రామ పాలనలో తన కుటుంబానికి ఉన్న అనుభవం, సేవా దృక్పథం ప్రభావంతో ప్రవీణ్ రాజకీయాల్లోకి రావాలని నిర్ణయించుకున్నాడు. అతని తల్లిదండ్రులు గత 18 ఏళ్లుగా గ్రామ స్థాయిలో వివిధ ప్రజాప్రతినిధి పదవుల్లో కొనసాగుతూ సేవలందించారు. అదే బాటలో నడవాలని భావించిన ప్రవీణ్ తన ఉద్యోగానికి రాజీనామా చేసి వార్డు మెంబర్గా ఎన్నికల బరిలో నిలిచాడు.
ప్రారంభంలో సర్పంచ్గా పోటీ చేయాలనే ఆశ ఉన్నప్పటికీ, రిజర్వేషన్(Reservation) కారణంగా ఆ అవకాశం దక్కలేదు. దీంతో తన అనుచరుడిని సర్పంచ్గా పోటీ చేయించి విజయం సాధింపజేశాడు. తాను మాత్రం వార్డు మెంబర్గా గెలిచి, అనంతరం గ్రామ ఉపసర్పంచ్గా ఎన్నికయ్యాడు. యువత గ్రామ పాలనలో భాగస్వాములవుతున్న ఈ సంఘటన రాష్ట్రవ్యాప్తంగా ఆసక్తిని రేకెత్తిస్తోంది.
Read hindi news: hindi.vaartha.com
Epaper : epaper.vaartha.com
Read Also:
