Nirmal District: కోతికి పచ్చ బొట్టు!

Nirmal District : ‘పచ్చబొట్టు చెరిగిపోదులే నా రాజా… పడుచు జంట చెదరిపోదూలే నా రాణీ’ అంటూ కోతులు హాయిగా కోతి కొమ్మచి ఆటలు ఆడుతూ యువగీతం పాడుకొంటూ సంసారం చేసుకొనేలా నిర్మల్ జిల్లా పశు సంవర్థకశాఖ అధికారులు ఏర్పాటు చేశారు. కోతులకు ఈ పచ్చబొట్టు ఇరువైఐదు యేళ్లు నుదుట వెలిగే రీతిలో బొట్టుపెట్టి మరి విడిచిపెడుతున్నారు.

**Nirmal District: Green tattoo for a monkey!**

నమ్మ లేకపోతే నిర్మల్ జిల్లా సారంగపూర్ మండలం చించోలి (బి) పునరావాస, పునరుత్పత్తి నిరోధక కేంద్రం సందర్శించండి. కోతులు అటవీశాఖ పెద్ద ఎత్తున పుట్టి పెరగకుండా నియంత్రించేందుకు ఆధ్వర్యంలో వాటికి కుటుంబ నియంత్రణ శస్త్ర చికిత్సలు చేయిస్తున్నారు. మూడేళ్ళ వయస్సు నుంచి కోతులు సంతానోత్పత్తి చేసే సామర్థం ఇరువై ఐదేళ్ళ వరకు కలిగి ఉంటాయి మూడేళ్ల వయసున్న వాటిని గుర్తించి కుటుంబ నియంత్రణ శస్త్రచికిత్సలు చేస్తారు.

ఆపరేషన్ అనంతరం కోతుల నుదిటిపై పచ్చబొట్టు

ఆపరేషన్ చేసిన కోతులను భవిష్యత్తులో గుర్తించడానికి ఆపరేషన్ అనంతరం కోతుల నుదిటిపై త్రిశూలం ఆకారంలో పచ్చబొట్టు వేస్తున్నారు. సాధరణంగా కోతులు 25 -30 ఏళ్ల పాటు జీవిస్తాయి. కోతుల త్రిశూలం పచ్చ బొట్టు జీవితకాలం ఉండనుందని అక్కడి పశువైద్యులు చెబుతున్నారు. నిర్మల్ జిల్లా సారంగాపూర్ మండలం చించోలి(బి) సమీపంలోని కోతుల పునరావాసం, పునరుత్పత్తి నిరోధక కేంద్రంలో కుటుంబనియంత్రణ శస్త్ర చికిత్సలు చేసిన 1653 కోతులకు ఇప్పటికి పచ్చబొట్ల వేశారు.