హోలీ పండుగను దేశవ్యాప్తంగా ప్రజలు ఎంతో సంతోషంగా జరుపుకుంటున్నారు. ఈ వేడుకల్లో ప్రజలంతా ఒక్క చోట చేరి రంగులు పూసుకుని సెలబ్రేట్ చేసుకుంటున్నారు.చిన్న పిల్లలు, పెద్దలు కూడా వయస్సుతో సంబంధం లేకుండా పండగ మూడ్ లోకి వెళ్లిపోయారు.హోలీ పండుగను ప్రముఖులు కూడా ఉత్సాహంగా జరుపుకుంటారు. ఈ క్రమంలోనేహోలీ పండుగ సందర్బంగా బీఆర్ఎస్ పార్టీ ఎమ్మెల్యే, మాజీ మంత్రి మల్లారెడ్డి హైదరాబాద్ బోయిన్పల్లిలోని తన నివాసంలో హోలీ వేడుకలను ఘనంగా నిర్వహించారు.ఈ కార్యక్రమంలో మల్కాజిగిరి ఎమ్మెల్యే రాజశేఖర్ రెడ్డితో కలిసి పాల్గొని రంగుల పండుగను మరింత ఆనందంగా మార్చారు. కుటుంబ సభ్యులతో కలిసి రంగులు చల్లుకుంటూ పండుగ ఉత్సాహాన్ని పెంచారు.ఈ సందర్భంగా మల్లారెడ్డి తన మనుమరాళ్లను భుజాలపై మోసుకుంటూ వారితో కలసి హోలీ ఆడారు. రంగులు చల్లుకుంటూ, డప్పు వాయిస్తూ, ఆనందోత్సాహంగా నృత్యం చేశారు. ఆయన డ్యాన్స్, మ్యూజిక్కు కుటుంబ సభ్యులు, స్థానికులు హుషారుగా పాల్గొన్నారు. పిల్లలు,పెద్దలు అందరూ కలిసి హోలీ సంబరాల్లో మునిగిపోయారు.
సోషల్ మీడియాలో వైరల్
ఈ వేడుకలకు సంబంధించిన వీడియో ప్రస్తుతం సోషల్ మీడియాలో వైరల్గా మారింది. మల్లారెడ్డి డ్యాన్స్ చేస్తున్న తీరు, డప్పు మోగిస్తూ పిల్లల్ని ఉత్సాహపరుస్తున్న తీరు చూసి నెటిజన్లు సరదాగా కామెంట్స్ పెడుతున్నారు. ఆయన ఎనర్జీకి ఫిదా అయ్యారు. “ఇదే మల్లారెడ్డి స్టైల్”, “ఎప్పుడూ జోష్లోనే ఉంటారు”, “సర్కి డ్యాన్స్ అదుర్స్” అంటూ నెటిజన్లు స్పందిస్తున్నారు.
హోలీ వేడుకలు – సంస్కృతి, సంప్రదాయాలు
హోలీ అనేది భారతీయ సంస్కృతిలో ఒక పండుగ. ఇది ప్రేమ, సామరస్యాన్ని ప్రదర్శించే పండుగగా గుర్తించబడుతుంది. ప్రజలు వివిధ రంగులు చల్లుకుంటూ, శత్రుత్వాలను మరచి స్నేహభావంతో ముందుకు సాగాలని సందేశం ఇస్తుంది. ప్రముఖులు కూడా ఈ వేడుకలో పాల్గొని ప్రజలతో ఆనందాన్ని పంచుకోవడం ప్రత్యేక ఆకర్షణగా మారుతోంది.బోయిన్పల్లిలో మల్లారెడ్డి నివాసంలో జరిగిన హోలీ వేడుకలు సోషల్ మీడియాలో ట్రెండింగ్లో నిలిచాయి. ఆయన డ్యాన్స్, ఉత్సాహపూరిత సందడి ప్రజలను ఎంతగానో ఆకట్టుకుంది. రాజకీయ నేతగా మాత్రమే కాకుండా, ప్రజలలో కలిసిపోతూ ఆనందాన్ని పంచుకునే వ్యక్తిగా మల్లారెడ్డి మరోసారి తన ప్రత్యేకతను చాటుకున్నారు.
