Konda Surekha : తెలంగాణ రాజకీయంలో ఇటీవల తీవ్ర కలకలం రేపిన కూతురి వివాదం అనంతరం రాష్ట్ర దేవాదాయ, అటవీ శాఖ మంత్రి కొండా సురేఖ తొలిసారిగా ముఖ్యమంత్రి రేవంత్ రెడ్డితో భేటీ అయ్యారు. రాఖీ పౌర్ణమి పండుగను పురస్కరించుకుని జూబ్లీహిల్స్‌లోని ముఖ్యమంత్రి నివాసానికి వెళ్లిన సురేఖ, సీఎం రేవంత్ రెడ్డికి శుభాకాంక్షలు తెలిపారు. ఇటీవల కొండా సురేఖ కుమార్తె కొండా సుస్మిత ముఖ్యమంత్రి రేవంత్ రెడ్డి లక్ష్యంగా చేసిన కొన్ని వ్యాఖ్యలు రాజకీయ వర్గాల్లో పెద్ద ఎత్తున దుమారం రేపిన సంగతి తెలిసిందే. ఆ తీవ్ర పరిణామాల తర్వాత సీఎం రేవంత్‌ను మంత్రి కలవకపోవడంతో వీరిద్దరి మధ్య విభేదాలు వచ్చాయనే ప్రచారం తీవ్రమైంది. ఈ నేపథ్యంలో సురేఖ అపాయింట్‌మెంట్ కోరడం, దానికి సీఎం నుంచి సానుకూల అనుమతి లభించి ఈ భేటీ జరగడం ప్రాధాన్యత సంతరించుకుంది.
Read Also : బొగ్గు మైనింగ్‌లో కలిసి నడుద్దాం: భట్టి విక్రమార్క
పరిస్థితిని చక్కదిద్దే ప్రయత్నం: రాజకీయంగా మలుపు తిరుగుతున్న పరిణామాలు
రాఖీ శుభాకాంక్షల నెపంతో జరిగిన ఈ భేటీ ద్వారా పార్టీలో మరియు ప్రభుత్వంలో తలెత్తిన విభేదాలను చక్కదిద్దేందుకు కొండా సురేఖ ప్రయత్నించినట్లు సమాచారం. తన కుమార్తె వ్యాఖ్యల వల్ల తలెత్తిన పరిణామాలు, పొరపాట్లపై సీఎంతో చర్చించి స్పష్టత ఇచ్చేందుకు ఈ అవకాశాన్ని ఉపయోగించుకున్నట్లు తెలుస్తోంది. సుదీర్ఘకాలంగా కొనసాగుతున్న రాజకీయ ప్రచారానికి స్వస్తి పలుకుతూ, ఈ పండుగ వేళ జరిగిన భేటీతో ఇరువురి మధ్య వాతావరణం కొంత సడలిందని రాజకీయ విశ్లేషకులు భావిస్తున్నారు. ఈ సయోధ్య భేటీ కాంగ్రెస్ పార్టీర్గత వ్యవహారాల్లోనూ, అలాగే ప్రభుత్వం సుస్థిరత కోణంలోనూ కీలక పరిణామంగా నిలిచింది.
Read Also hindi news: hindi.vaartha.com
Read Also Epaper : https://epaper.vaartha.com
Read Also :
