తెలంగాణ మంత్రి కొండా సురేఖ (Konda Surekha) మరోసారి తన వ్యాఖ్యలతో వివాదానికి తెరతీశారు. ఈసారి ఆమె విమర్శల దారి దేశ అత్యున్నత పదవిలో ఉన్న రాష్ట్రపతి ద్రౌపది ముర్ము (Draupadi Murmu) వైపు వెళ్లింది. ఆమె చేసిన వ్యాఖ్యలు రాజకీయ వర్గాల్లో కలకలం రేపుతున్నాయి.
పార్లమెంట్, రామమందిరం కార్యక్రమాలకు ఎందుకు పిలవలేదన్న విమర్శ
కొండా సురేఖ (Konda Surekha) మాట్లాడుతూ, “ద్రౌపది ముర్ము వితంతు మహిళ కావడంతోనే పార్లమెంట్ కొత్త భవన ప్రారంభోత్సవానికి ప్రధాని మోదీ (Prime Minister Modi) పిలవలేదు. ఆమె దళిత మహిళ అయినందువల్ల రామమందిర ప్రారంభోత్సవానికి కూడా ఆహ్వానం ఇవ్వలేదు” అని ఆరోపించారు. ఈ వ్యాఖ్యలు బీజేపీ ప్రభుత్వం మీద తీవ్రమైన విమర్శలుగా మారాయి.
బీజేపీలో కులపిచ్చి ఉందా?
కొండా సురేఖ తీవ్ర స్థాయిలో విమర్శిస్తూ, “బీజేపీ నేతలకు నరనరాల్లో కులపిచ్చి పాతుకుపోయింది” అంటూ విమర్శలు గుప్పించారు. మతం, కులం ఆధారంగా కేంద్రం వ్యవహరిస్తోందని ఆమె వ్యాఖ్యానించారు. ఇది పాలకపక్షంపై నిప్పులు చెరిగే వ్యాఖ్యగా రాజకీయంగా విస్తృతంగా చర్చకు దారి తీస్తోంది. ఈ వ్యాఖ్యలపై బీజేపీ వర్గాలు తీవ్ర అసంతృప్తిని వ్యక్తం చేస్తున్నాయి. రాష్ట్రపతి వంటి గౌరవ పదవిపై జరిగిన వ్యాఖ్యలపై సమాజంలో అన్ని వర్గాల నుండి విమర్శలు వ్యక్తమవుతున్నాయి.
Read hindi news: hindi.vaartha.com
Read also:
