Fake Army Jawan : ఈ రోజుల్లో ఎవరు నిజంగా ఏ వృత్తిలో ఉన్నారో, ఎవరు కేటుగాళ్లో గుర్తించడం సామాన్యులకు కష్టంగా మారింది. ప్రజలలోని నమ్మకాన్ని ఆసరాగా చేసుకుంటూ కొందరు నేరగాళ్లు మోసాలకు పాల్పడుతున్నారు. తాజాగా హైదరాబాద్లో ఓ వ్యక్తి తాను భారత సైన్యానికి చెందిన జవాన్నని చెప్పుకొంటూ నిరుద్యోగ యువతను, మహిళలను మోసం చేస్తూ పోలీసుల చేతికి చిక్కాడు.
Latest news: Amaravati: అమరావతికి మరో 16వేల ఎకరాలు.. క్యాబినెట్ ఆమోదం
హైదరాబాద్ సైదాబాద్ పోలీసులు తెలిపిన వివరాల ప్రకారం.. నిందితుడు భారత వాయుసేన (ఎయిర్ఫోర్స్) యూనిఫాం ధరించి, తాను ఆర్మీ లేదా నేవీ అధికారి అని చెప్పుకుంటూ తిరుగుతూ ఉద్యోగాలు ఇప్పిస్తానని నిరుద్యోగ యువతను నమ్మించాడు. (Fake Army Jawan) అధికార పరిచయాలు ఉన్నాయని చెప్పి పలువురి నుంచి డబ్బులు వసూలు చేసినట్లు పోలీసులు గుర్తించారు.
అంతేకాకుండా, తనను సైనికాధికారిగా నమ్మిన మహిళలతో సన్నిహిత సంబంధాలు ఏర్పరచుకొని వారిని మోసం చేసినట్లు విచారణలో బయటపడింది. ఉన్నత హోదా చూపిస్తూ తప్పుడు హామీలు ఇచ్చి వారిని లోబర్చుకున్నాడని పోలీసులు తెలిపారు.
విశ్వసనీయ సమాచారం అందడంతో పోలీసులు ప్రత్యేకంగా వల పన్ని నిందితుడిని అదుపులోకి తీసుకున్నారు. కేసు నమోదు చేసి కోర్టులో హాజరుపరిచి రిమాండ్కు పంపించినట్లు తెలిపారు.
ఈ సందర్భంగా పోలీసులు ప్రజలకు హెచ్చరిక జారీ చేశారు. రక్షణ శాఖలకు సంబంధించిన ఉద్యోగాలు ఎలాంటి మధ్యవర్తుల ద్వారా రావని, కేవలం ప్రభుత్వ అధికారిక నియామక ప్రక్రియ ద్వారానే ఉంటాయని స్పష్టం చేశారు. తప్పుడు హామీలను నమ్మి మోసపోవద్దని నిరుద్యోగ యువతను కోరారు.
Read hindi news: https://hindi.vaartha.com
Epaper : https://epaper.vaartha.com/
