BC Victory Telangana : తెలంగాణలో ఇటీవల జరిగిన మున్సిపల్ ఎన్నికల్లో వెనుకబడిన వర్గాలు (బీసీలు) విశేష విజయాన్ని నమోదు చేశాయి. రాష్ట్రవ్యాప్తంగా 61 శాతానికి పైగా వార్డులు, డివిజన్లను బీసీ అభ్యర్థులు గెలుచుకోవడం గమనార్హం. మున్సిపాలిటీల్లో 28.22 శాతం, కార్పొరేషన్లలో 35.25 శాతం మాత్రమే రిజర్వేషన్ ఉన్నప్పటికీ, జనరల్ స్థానాల్లోనూ భారీగా గెలవడం వారి రాజకీయ బలం పెరిగిందనే సంకేతంగా భావిస్తున్నారు.
ఈ ఫలితాలపై బీసీ కమిషన్ చైర్మన్ జి. నిరంజన్తో పాటు సభ్యులు హర్షం వ్యక్తం చేశారు. బీసీల్లో పెరిగిన రాజకీయ చైతన్యం, సామాజిక అవగాహన ఈ విజయానికి కారణమని వారు పేర్కొన్నారు. ఫిబ్రవరి 11న 116 మున్సిపాలిటీలు, 7 కార్పొరేషన్లకు ఎన్నికలు జరగగా, 13న ఫలితాలు వెల్లడయ్యాయి.
Read Also: Secret camera incident : వాష్రూమ్లో సీక్రెట్ కెమెరా కన్నడ నటికి షాక్
ఇటీవల పంచాయతీ ఎన్నికల్లో కూడా బీసీ అభ్యర్థులు 52.75 శాతం సీట్లు గెలుచుకున్నారని కమిషన్ గుర్తుచేసింది. ఇదే ఊపు కొనసాగితే రాబోయే జడ్పీటీసీ, ఎంపీటీసీ, జీహెచ్ఎంసీ ఎన్నికల్లోనూ బీసీల ప్రాతినిధ్యం మరింత పెరుగుతుందని ఆశాభావం వ్యక్తమైంది.
రాష్ట్ర జనాభాలో బీసీలు 56.33 శాతం ఉన్నప్పటికీ, వారికి 42 శాతం రిజర్వేషన్ కల్పించే బిల్లు కేంద్రం వద్ద పెండింగ్లో ఉందని కమిషన్ తెలిపింది. ఈ బిల్లును రాజ్యాంగంలోని 9వ షెడ్యూల్లో చేర్చి త్వరగా ఆమోదించాలని కేంద్రాన్ని కోరింది. అలాగే కోర్టుల్లో కేసులు వేసిన వారు వాటిని ఉపసంహరించుకుని బీసీల అభ్యున్నతికి సహకరించాలని విజ్ఞప్తి చేసింది.
Read hindi news: hindi.vaartha.com
Read Also Epaper : epaper.vaartha.com
Read Also:
