Hyderabad : కేంద్ర హోంమంత్రి, బీజేపీ అగ్రనేత అమిత్ షా హైదరాబాద్ పర్యటన రాజకీయంగా ప్రాధాన్యత సంతరించుకుంది. బీజేపీ నిర్వహిస్తున్న మహాపాదయాత్రలో పాల్గొనేందుకు నగరానికి వచ్చిన ఆయన తొలుత చార్మినార్ సమీపంలోని ప్రసిద్ధ భాగ్యలక్ష్మి అమ్మవారి ఆలయాన్ని సందర్శించారు. ఈ సందర్భంగా అమ్మవారికి ప్రత్యేక పూజలు నిర్వహించి ఆశీస్సులు తీసుకున్నారు. అమిత్ షా వెంట కేంద్ర మంత్రి, తెలంగాణ బీజేపీ నేత కిషన్ రెడ్డి, రాష్ట్ర బీజేపీ అధ్యక్షుడు రామచందర్ రావు తదితర నాయకులు ఉన్నారు. ఆలయ సందర్శనతో ఆయన హైదరాబాద్ పర్యటన ప్రారంభం కాగా, బీజేపీ శ్రేణులు ఈ కార్యక్రమానికి ప్రాధాన్యత ఇచ్చాయి.
Read Also : ఎమ్మెల్యే కోమటిరెడ్డి రాజగోపాల్ రెడ్డి మరోసారి సంచలన వ్యాఖ్యలు
బషీర్‌బాగ్ నుంచి ఎంజే మార్కెట్ వరకు మహాపాదయాత్ర
ఆలయ సందర్శన అనంతరం అమిత్ షా బీజేపీ నిర్వహిస్తున్న మహాపాదయాత్రలో పాల్గొననున్నారు. సాయంత్రం బషీర్‌బాగ్‌లోని బాబూ జగ్జీవన్ రామ్ విగ్రహం వద్ద నుంచి ప్రారంభమయ్యే పాదయాత్ర ఎంజే మార్కెట్ వరకు కొనసాగనుంది. ఈ కార్యక్రమంలో పార్టీ నాయకులు, కార్యకర్తలు పెద్ద సంఖ్యలో పాల్గొనేలా ఏర్పాట్లు చేసినట్లు తెలుస్తోంది. కేంద్ర హోంమంత్రి స్వయంగా పాదయాత్రలో పాల్గొంటుండటంతో తెలంగాణ బీజేపీ శ్రేణుల్లో ఉత్సాహం నెలకొంది. హైదరాబాద్‌లో పార్టీ బలాన్ని చాటుకోవడంతో పాటు ప్రజలతో నేరుగా మమేకమయ్యేందుకు ఈ కార్యక్రమం వేదికగా మారనుంది. అమిత్ షా పర్యటన, మహాపాదయాత్రపై రాష్ట్ర రాజకీయ వర్గాల్లో ఆసక్తి నెలకొంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
