సిద్దిపేట జిల్లా (అక్కన్నపేట):(Akkanapet) సిద్దిపేట జిల్లా, అక్కన్నపేట మండలం, మోత్కులపల్లి వాగులో బుధవారం రాత్రి ఒక విషాద ఘటన చోటుచేసుకుంది. హుస్నాబాద్(Husnabad) నియోజకవర్గం, భీమదేవరపల్లి మండలానికి చెందిన దంపతులు ఈసంపల్లి ప్రణయ్ (28) మరియు కల్పన(Kalpana) (24) అక్కన్నపేట మండలానికి వస్తున్న క్రమంలో ప్రమాదవశాత్తూ మోత్కులపల్లి వాగులో కొట్టుకుపోయినట్లు స్థానికులు తెలిపారు.
Read Also: Jubilee Hills Bypoll : జూబ్లీహిల్స్ బైపోల్.. ఈరోజు నుంచి సీఎం రేవంత్ ప్రచారం
పుట్టినరోజు వేడుకలకు వెళుతుండగా ప్రమాదం
ప్రణయ్(Pranay) తన భార్య కల్పనతో కలిసి బుధవారం తన అత్తగారింటికి పుట్టినరోజు వేడుకలు జరుపుకోవడానికి అక్కన్నపేటకు వస్తుండగా ఈ ప్రమాదం జరిగినట్లు తెలుస్తోంది. ప్రమాదం జరిగిన మోత్కులపల్లి వాగులో వారి ద్విచక్రవాహనం లభ్యమైంది. అయితే ఈ దంపతులు వాగులో కొట్టుకుపోయారా, లేదంటే ప్రమాదం నుంచి తప్పించుకున్నారా అనేది ఇంకా తెలియాల్సి ఉంది.
కలెక్టర్ పరిశీలన, రెస్క్యూ ఆపరేషన్
ఘటనా స్థలానికి ఎస్సై చాతరాజు ప్రశాంత్, రెస్క్యూ సిబ్బంది చేరుకుని గాలింపు చర్యలు చేపట్టారు. అనంతరం సిద్దిపేట జిల్లా కలెక్టర్ హైమావతి కూడా ఘటనా స్థలాన్ని పరిశీలించి, ప్రమాదం ఎలా జరిగిందో స్థానిక గ్రామస్తులను అడిగి తెలుసుకున్నారు. సహాయక చర్యలు చేపట్టిన తీరును ఆమె పరిశీలించారు.
Read hindi news: https://hindi.vaartha.com
Epaper : https://epaper.vaartha.com/
Read Also:
