T20 WC: భారత క్రికెట్ చరిత్రలో తొలి ప్రపంచకప్ను అందించిన గ్రేట్ కెప్టెన్ కపిల్ దేవ్, ప్రస్తుత టీమిండియా ఆటగాళ్లపై తన విశ్లేషణను పంచుకున్నారు. ముఖ్యంగా స్టార్ బౌలర్ జస్ప్రీత్ బుమ్రా, ఇన్-ఫామ్ బ్యాటర్ సంజూ శాంసన్లను ఆకాశానికెత్తిన ఆయన.. ఫామ్ లేమితో ఇబ్బంది పడుతున్న యువ సంచలనం అభిషేక్ శర్మకు విలువైన సూచనలు చేశారు.
Read Also: Jasprit Bumrah: బుమ్రా ఒక ‘వరల్డ్ క్లాస్ ఆపరేటర్’: కివీస్ క్రికెటర్
బుమ్రా ప్రపంచంలోనే నంబర్ వన్ బౌలర్
జస్ప్రీత్ బుమ్రా బౌలింగ్ నైపుణ్యాలపై కపిల్ దేవ్ ప్రశంసల వర్షం కురిపించారు. “ప్రస్తుత ప్రపంచ క్రికెట్లో బుమ్రా నంబర్ వన్ బౌలర్ అనడంలో ఎలాంటి సందేహం లేదు. అత్యంత ఒత్తిడి ఉన్న సమయంలో కూడా అతను బౌలింగ్ చేసే తీరు అద్భుతం. అతనికి ఎంతటి గౌరవం దక్కినా అది తక్కువే” అని కపిల్ దేవ్ కొనియాడారు. డెత్ ఓవర్లలో బుమ్రా ప్రదర్శన జట్టుకు కొండంత అండ అని ఆయన అభిప్రాయపడ్డారు.
సంజూ శాంసన్ ఆటతీరు అమోఘం
వికెట్ కీపర్ బ్యాటర్ సంజూ శాంసన్ ఫామ్పై కూడా కపిల్ సానుకూలంగా స్పందించారు. గత రెండు మ్యాచ్ల్లో సంజూ ఆడిన తీరు అమోఘమని, అతను ఒక అద్భుతమైన క్రికెటర్ అని ప్రశంసించారు. సంజూ నిలకడగా రాణించడం టీమిండియా బ్యాటింగ్ లైనప్కు పెద్ద బలాన్ని ఇస్తుందని పేర్కొన్నారు.
గత కొన్ని మ్యాచ్లుగా ఆశించిన స్థాయిలో రాణించలేకపోతున్న యువ ఓపెనర్ అభిషేక్ శర్మకు కపిల్ దేవ్ ధైర్యం చెప్పారు. “పెద్ద పెద్ద ఆటగాళ్లు కూడా కొన్నిసార్లు ఫామ్ కోల్పోవడం సహజం. ప్రస్తుతం అభిషేక్ శర్మ పరిస్థితి కూడా అలాగే ఉంది. అయితే సంజూ శాంసన్ను స్ఫూర్తిగా తీసుకుని అతను త్వరలోనే గాడిలో పడతాడు. ఇలాంటి సమయంలో తనపై తనకు నమ్మకం ఉండాలి” అని సూచించారు.ఫైనల్ మ్యాచ్ ఇంకా మిగిలే ఉంది. అందులో అభిషేక్ సత్తాచాటుతాడని అనుకుంటున్నా. వ్యక్తిగత ప్రదర్శనలు ముఖ్యమే కానీ.. మన అంతిమ లక్ష్యం జట్టు గెలవడంపై ఉండాలి” అని కపిల్ దేవ్ వ్యాఖ్యానించారు.
Read hindi news: hindi.vaartha.com
Epaper: epaper.vaartha.com
Read Also:
