ఐపీఎల్ 2025 సీజన్లో భాగంగా శుక్రవారం జరిగిన మ్యాచ్లో సన్రైజర్స్ హైదరాబాద్ 42 పరుగుల తేడాతో రాయల్ చాలెంజర్స్ బెంగళూరు(ఆర్సీబీ)పై అద్భుత విజయం సాధించింది. ఇప్పటికే ప్లేఆఫ్స్ బెర్తులు ఖరారైనా మ్యాచ్లు ఇంకా రసవత్తరంగా సాగుతూనే ఉన్నాయి. ఎలాగైనా టాప్-2లో నిలువాలన్న పట్టుదలతో ఉన్న జట్లు పోరాడుతున్నాయి.గెలిచి టాప్లోకి దూసుకెళుదామనుకున్న ఆర్సీబీ ఆశలను వమ్ము చేస్తూ రైజర్స్ సమిష్టి ప్రదర్శనతో సత్తాచాటింది.తమ సహజశైలికి అనుగుణంగా ఆది నుంచే రైజర్స్ బ్యాటర్లు రెచ్చిపోవడంతో ఆర్సీబీ(RCB)పై భారీ స్కోరు సాధించింది. టాపార్డర్, మిడిలార్డర్ తేడా లేకుండా క్రీజులోకి వచ్చినోళ్లంతా బ్యాట్తో వీరవిహారం చేశారు.
బ్యాటింగ్
టాస్ ఓడి మొదట బ్యాటింగ్కు దిగిన సన్రైజర్స్ నిర్ణీత ఓవర్లలో 6 వికెట్ల నష్టానికి 231 పరుగులు చేసింది. ఇషాన్ కిషన్ (48 బంతుల్లో 94 నాటౌట్, 7 ఫోర్లు, 5 సిక్సర్లు), అభిషేక్ శర్మ (17 బంతుల్లో 34, 3 ఫోర్లు, 3 సిక్సర్లు), అనికేత్ వర్మ (9 బంతుల్లో 26, 1 ఫోర్, 3 సిక్సర్లు) ధాటిగా ఆడారు. షెఫర్డ్(2/14) రెండు వికెట్లు తీశాడు. ఆ తర్వాత లక్ష్యఛేదనకు దిగిన బెంగళూరు 19.5 ఓవర్లలో 189 పరుగులకు ఆలౌటైంది. సాల్ట్(62) అర్ధసెంచరీతో ఆకట్టుకున్నాడు. సాల్ట్, కోహ్లీ జోరుతో ఆర్సీబీకి అదిరిపోయే శుభారంభం దక్కినా ఆ తర్వాత వచ్చిన బ్యాటర్లు ఎవరూ క్రీజులో నిలదొక్కుకోలేకపోయారు. రైజర్స్ బౌలర్ల ధాటికి ఆర్సీబీ బ్యాటర్లు పెవిలియన్కు క్యూ కట్టారు. కమిన్స్ మూడు వికెట్లు పడగొట్టగా, మలింగ రెండేసి వికెట్లు ఖాతాలో వేసుకున్నాడు.బెంగళూరుతో మ్యాచ్లో సన్ రైజర్స్ బ్యాటింగ్ గత సీజన్ను గుర్తుచేసింది. ఈ సీజన్ ఆరంభ మ్యాచ్లో మినహాయిస్తే ఆ స్థాయిలో హిట్టింగ్ చేయలేక తంటాలు పడ్డ ఎస్ఆర్హెచ్(SRH) సీజన్ చివరి దశలో జూలు విదిల్చింది. క్రీజులోకి వచ్చిన బ్యాటర్ వచ్చినట్టు దూకుడు మంత్రాన్ని పఠించడంతో హైదరాబాద్ స్కోరుబోర్డు బ్రేకుల్లేకుండా దూసుకెళ్లింది. ఆరంభంలో అభిషేక్ రాజేసిన చిచ్చుకు క్లాసెన్ (13 బంతుల్లో 24, 2 ఫోర్లు, 2 సిక్సర్లు), అనికేత్ ఆజ్యం పోయగా ఆఖర్లో ఇషాన్ దానిని మార్చాడు. ట్రావిషేక్ జోడీ తొలి వికెట్కు 3.3 ఓవర్లలోనే 50 పరుగులు జోడించి అదిరిపోయే ఆరంభాన్నిచ్చినా ఎక్కువసేపు క్రీజులో నిలువలేకపోయారు.
సుయాష్
ఓపెనర్లు నిష్క్రమించాక ఇషాన్తో జతకలిసిన క్లాసెన్ సైతం ధాటిగా ఆడటంతో 9వ ఓవర్లోనే హైదరాబాద్ వంద పరుగుల మార్కును దాటింది. కానీ సుయాష్ 9వ ఓవర్లో ఐదో బంతికి క్లాసెన్ను ఔట్ చేశాడు. క్లాసెన్ స్థానంలో వచ్చిన అనికేత్ సైతం సుయాశ్ 11వ ఓవర్లో 6, 4, 6 బాదాడు. కృనాల్(Krunal) అనికేత్ను పెవిలియన్కు పంపాడు. అప్పటికే 28 బంతుల్లో అర్ధశతకం పూర్తిచేసిన ఇషాన్ మరింత రెచ్చిపోయి ఆడాడు. భువీ ఓవర్లో 4, 6 కొట్టిన అతడు దయాల్ ఆఖరి ఓవర్లో మరో బౌండరీ, సిక్సర్ బాదినా శతకానికి 6 పరుగుల దూరంలో ఆగిపోయాడు.
Read Also: Shubman Gill: టీమిండియా కెప్టెన్గా శుభ్మన్ గిల్
