కొలంబో వేదికగా జరిగిన కీలక మ్యాచ్లో ఐర్లాండ్ జట్టు ఒమన్పై(Ireland Vs Oman) భారీ విజయాన్ని నమోదు చేసింది. మొదట బ్యాటింగ్ చేసిన ఐర్లాండ్ నిర్ణీత ఓవర్లలో భారీ స్కోర్ నమోదు చేసి ప్రత్యర్థికి 236 పరుగుల లక్ష్యాన్ని నిర్ధేశించింది.
Read Also:IND vs PAK T20WC: రేపు ‘మహా’ సంగ్రామం
లక్ష్య ఛేదనకు దిగిన ఒమన్ జట్టు ప్రారంభంలో ఓపెనర్లు కలీమ్, మిర్జా(Ireland Vs Oman) మంచి ఆరంభాన్ని ఇచ్చారు. కలీమ్ అర్ధశతకం సాధించగా, మిర్జా 46 పరుగులతో జట్టుకు ఆధారం అయ్యాడు. అయితే మిడిల్ ఆర్డర్ బ్యాటింగ్ పూర్తిగా విఫలమైంది. వరుసగా వికెట్లు పడిపోవడంతో ఒమన్ 18 ఓవర్లలోనే 139 పరుగులకు ఆలౌట్ అయింది. ఐర్లాండ్ బౌలర్లలో లిటిల్ అత్యుత్తమంగా బౌలింగ్ చేసి మూడు కీలక వికెట్లు తీశారు. అతడి స్పెల్తో ఒమన్ బ్యాటింగ్ క్రమంగా కూలిపోయింది.
ఇంతకుముందు ఐర్లాండ్ కెప్టెన్ టక్కర్ అద్భుతమైన ఇన్నింగ్స్ ఆడాడు. 51 బంతుల్లోనే 94 పరుగులు చేసి మ్యాచ్ను పూర్తిగా ఐర్లాండ్ వైపుకు తిప్పాడు. అతడి ఇన్నింగ్స్లో 10 ఫోర్లు, 4 సిక్సులు ఉన్నాయి. దూకుడు బ్యాటింగ్తో ప్రత్యర్థి బౌలర్లను ఉక్కిరిబిక్కిరి చేసిన టక్కర్కు ప్లేయర్ ఆఫ్ ది మ్యాచ్ అవార్డు దక్కింది. ఈ విజయంతో ఐర్లాండ్ జట్టు పాయింట్స్ టేబుల్లో బలమైన స్థానం సంపాదించగా, ఒమన్ జట్టుకు ఇది పెద్ద ఎదురుదెబ్బగా మారింది. తదుపరి మ్యాచ్ల్లో ఒమన్ రీబౌండ్ కావాల్సిన పరిస్థితి ఏర్పడింది.
Read hindi news: hindi.vaartha.com
Read Also Epaper : epaper.vaartha.com
Read Also:
