Blessing muzarabani : ఇండియన్ ప్రీమియర్ లీగ్ (ఐపీఎల్) 2026 సీజన్కు ముందు కోల్కతా నైట్ రైడర్స్ (కేకేఆర్) తమ జట్టులో కీలక మార్పు చేసింది. బంగ్లాదేశ్ పేసర్ ముస్తాఫిజుర్ రెహమాన్ను విడుదల చేసి, అతని స్థానంలో జింబాబ్వే స్టార్ పేసర్ బ్లెస్సింగ్ ముజారబానీతో ఒప్పందం కుదుర్చుకుంది. మార్చి 17న ముజారబానీ కోల్కతాలోని జట్టు క్యాంపులో చేరనున్నాడు.
6 అడుగుల 8 అంగుళాల ఎత్తున్న ఈ జింబాబ్వే రైట్ ఆర్మ్ ఫాస్ట్ బౌలర్ తన ఎత్తుకు తగ్గట్టే బౌన్స్తో బ్యాటర్లను ఇబ్బంది పెట్టడంలో నిపుణుడు. ఇటీవల ముగిసిన టీ20 వరల్డ్ కప్ 2026లో ముజారబానీ అద్భుత ప్రదర్శన చేశాడు. మొత్తం టోర్నీలో 13 వికెట్లు పడగొట్టి అత్యధిక వికెట్లు తీసిన నాలుగో బౌలర్గా నిలిచాడు.
Read Also: Gas Cylinder Shortage: గ్యాస్ కొరతపై మంత్రి ఉత్తమ్ క్లారిటీ
ఆస్ట్రేలియా, శ్రీలంక వంటి బలమైన జట్లపై (Blessing muzarabani) కూడా మ్యాచ్ విన్నింగ్ ప్రదర్శనలు చేశాడు. ఐపీఎల్ అవకాశం కోసం అతను పాకిస్థాన్ సూపర్ లీగ్ (పీఎస్ఎల్) నుంచి కూడా వైదొలిగాడు.
గత సీజన్లో ముజారబానీ రాయల్ ఛాలెంజర్స్ బెంగళూరు జట్టులో ఉన్నప్పటికీ ఒక్క మ్యాచ్ కూడా ఆడలేదు. అయితే ప్రస్తుత ఫామ్ దృష్ట్యా కేకేఆర్ జట్టు అతనిపై నమ్మకం ఉంచింది.
మరోవైపు, బంగ్లాదేశ్లో హిందూ సమాజంపై జరిగిన దాడుల నేపథ్యంలో చెలరేగిన వివాదం కారణంగా బీసీసీఐ సూచనల మేరకు కేకేఆర్ యాజమాన్యం ముస్తాఫిజుర్ రెహమాన్ను జట్టు నుంచి విడుదల చేసింది.
డిసెంబర్లో జరిగిన మినీ వేలంలో కేకేఆర్ ముస్తాఫిజుర్ను రూ.9.20 కోట్లకు కొనుగోలు చేసింది. ఇది ఐపీఎల్ చరిత్రలో ఒక బంగ్లాదేశ్ ఆటగాడికి లభించిన అత్యధిక ధరగా నిలిచింది.
ముస్తాఫిజుర్ స్థానంలో జట్టులోకి వచ్చిన ముజారబానీ తన ప్రస్తుత ఫామ్, ఉపఖండ పిచ్లపై అనుభవంతో కేకేఆర్ పేస్ బౌలింగ్ విభాగానికి మరింత బలం చేకూర్చగలడని ఫ్రాంచైజీ పేర్కొంది.
Read hindi news: hindi.vaartha.com
Epaper : epaper.vaartha.com
Read Also:
