అమెరికా అధ్యక్షుడు డోనాల్డ్ ట్రంప్ ప్రతిష్ఠాత్మకంగా రూపొందించిన ‘వన్ బిగ్ బ్యూటిఫుల్ బిల్ యాక్ట్’ (One Big Beautiful Bill Act) కు తాజాగా అమెరికా సెనేట్ ఆమోదం లభించింది. ఓట్లలో 50-50తో సమం కావడంతో, నిర్ణయాత్మకంగా వైస్ ప్రెసిడెంట్ జేడీ వాన్స్ ఓటు వేసి ఉత్కంఠానికి ముగింపు పలికారు. ఈ పరిణామంతో బిల్లు జూలై 4న ప్రతినిధుల సభ (House of Representatives) ముందుకు వెళ్లనుంది. అక్కడ కూడా ఆమోదం లభిస్తే, ఈ బిల్లు అధికారికంగా చట్టంగా మారి అమల్లోకి రానుంది.
ట్రంప్ అభివృద్ధి అజెండాకు బిల్లు ఆధారం
ఈ బిల్లులో ట్రంప్ (Donald Trump ) పాలనకు ప్రాతినిధ్యం వహించే అంశాలైన ట్యాక్స్ కట్స్ (పన్ను తగ్గింపులు), బోర్డర్ సెక్యూరిటీ, డిఫెన్స్ ఖర్చులు, ఎనర్జీ ప్రోత్సాహం తదితర అంశాలపై ప్రధానంగా దృష్టి సారించారు. ప్రత్యేకంగా అమెరికా-మెక్సికో సరిహద్దుల్లో గోడ నిర్మాణం, ఆధునిక సర్వైలెన్స్ టెక్నాలజీ కోసం $70 బిలియన్లు, డిఫెన్స్ అవసరాల కోసం $150 బిలియన్ల బడ్జెట్ కేటాయించనున్నట్లు తెలుస్తోంది. ఇది ట్రంప్ తిరిగి అధికారంలోకి రావడానికి కీలక అడుగుగా విశ్లేషకులు భావిస్తున్నారు.
వ్యతిరేకతల మధ్య ముందుకెళ్తున్న బిల్లు
ఈ బిల్లుపై దేశంలో మిశ్రమ స్పందన వ్యక్తమవుతోంది. ముఖ్యంగా టెస్లా అధినేత ఎలాన్ మస్క్ దీన్ని తీవ్రంగా వ్యతిరేకించారు. అలాగే, ఈ బిల్లులో వైద్యం, విద్య, సామాజిక సంక్షేమ ఖర్చులను తగ్గించే ప్రతిపాదనలు ఉన్నాయి. దీని వల్ల కోట్లాది మధ్యతరగతి, తక్కువ ఆదాయ వర్గాలపై ప్రభావం పడే ప్రమాదం ఉందని నిపుణులు హెచ్చరిస్తున్నారు. అయినా ట్రంప్ వర్గం మాత్రం ఈ బిల్లు ద్వారా అమెరికా ఆర్థిక స్థిరత్వం, జాతీయ భద్రత బలోపేతం అవుతుందని నమ్ముతోంది. ఇప్పుడు ప్రతినిధుల సభ తీర్పే ఈ బిల్లు భవిష్యత్తును నిర్ణయించనుంది.
Read Also : Modi 5 Nation Tour : నేటి నుంచి ప్రధాని 5 దేశాల టూర్ స్టార్ట్
