Movie Review-బకాసుర రెస్టారెంట్’ కథ పరమేశ్ (ప్రవీణ్) అనే సాఫ్ట్వేర్ ఉద్యోగి చుట్టూ తిరుగుతుంది. బాస్తో రోజూ గొడవలు పడుతూ విసిగిపోయిన అతను, తన నలుగురు స్నేహితులతో కలిసి రెస్టారెంట్ ప్రారంభించాలని నిర్ణయిస్తాడు. అవసరమైన డబ్బు కోసం యూట్యూబ్ కంటెంట్ క్రియేట్(Youtube Content) చేయాలని ప్లాన్ చేస్తారు. దెయ్యాలకు సంబంధించిన వీడియోలు ఎక్కువ పాపులర్ అవుతాయని భావించి, నల్లమల అడవుల దగ్గర ‘రుద్రారం’ గ్రామంలో ఉన్న పాడుబడిన బంగళాకు వెళ్తారు. ఆ బంగళా ఒకప్పుడు క్షుద్ర మాంత్రికుడు ఖాసీమ్ వలి నివసించిన ప్రదేశమని, అతని ఆత్మ అక్కడే తిరుగుతోందని ప్రచారం ఉంటుంది.
అనుభవాలు
బంగళాలో అడుగుపెట్టిన తర్వాత వారికి వింత అనుభవాలు ఎదురవుతాయి. అక్కడ ఒక తాంత్రిక గ్రంథం దొరుకుతుంది. ఆ పుస్తకాన్ని వెంట తీసుకుని వచ్చిన దగ్గర నుంచి వారి జీవితాల్లో వింత సంఘటనలు ప్రారంభమవుతాయి. చివరికి బకాసుర ఎవరు? అతని గతం ఏమిటి? పరమేశ్ కల అయిన రెస్టారెంట్ కల సాకారమవుతుందా? అనేది కథలోని ఆసక్తికర అంశం.
విశ్లేషణ
కథ లైన్ సింపుల్గా ఉన్నా ఆసక్తికరంగా అనిపిస్తుంది. ఐదుగురు స్నేహితులు కలసి యూట్యూబ్ ద్వారా డబ్బు సంపాదించాలని ప్రయత్నించడం, దెయ్యాల వీడియోల కోసం హాంటెడ్ హౌస్కి (haunted house)వెళ్లడం వంటి ఆలోచనలు బాగున్నాయి. కానీ ఈ కథను తెరపై ఉత్కంఠభరితంగా చూపించడంలో దర్శకుడు విఫలమయ్యాడు. హారర్ ఎలిమెంట్స్లో భయం లేకుండా, కామెడీ ట్రాక్లో బలహీనత ఎక్కువగా కనిపిస్తుంది. పునరావృత సన్నివేశాలు, సిల్లీ హాస్యం ప్రేక్షకులను విసిగిస్తాయి.
టెక్నికల్ వైపు చూస్తే, సినిమాటోగ్రఫీ, బ్యాక్గ్రౌండ్ స్కోర్, ఎడిటింగ్ పరిమిత స్థాయిలో సపోర్ట్ ఇచ్చాయి. కానీ కథలోని లోపాలను కప్పిపుచ్చలేకపోయాయి. క్లైమాక్స్లో(Climax) కూడా సీరియస్గా తీసుకువెళ్లాల్సిన చోట, కామెడీకి ఎక్కువ ప్రాధాన్యం ఇవ్వడం వల్ల కథ బలహీనమైంది.
ముగింపు
హారర్ కామెడీ జానర్ సాధారణంగా ప్రేక్షకులను ఆకట్టుకునే జానర్ అయినా, బకాసుర రెస్టారెంట్ మాత్రం అంచనాలను అందుకోలేకపోయింది. హారర్, కామెడీ రెండు ట్రాక్లు బలహీనంగా ఉండటంతో, వినోదం కోసం కూర్చున్న ప్రేక్షకులకు నిరాశే మిగులుతుంది.
బకాసుర రెస్టారెంట్ ఎక్కడ స్ట్రీమింగ్ అవుతోంది?
ఈ సినిమా ప్రస్తుతం అమెజాన్ ప్రైమ్లో స్ట్రీమింగ్ అవుతోంది.
సినిమాలో హీరో ఎవరు?
ప్రవీణ్ ప్రధాన పాత్రలో నటించగా, వైవా హర్ష కూడా కీలక పాత్రలో కనిపించాడు.
Read hindi news:hindi.vaartha.com
Read Also:
