ఒడిశాకు చెందిన ప్రముఖ సింగర్, ర్యాపర్ అభినవ్ సింగ్ బెంగళూరులో ఆత్మహత్యకు పాల్పడ్డాడు. అతడు తన గదిలో విషం తాగి ఆత్మహత్య చేసుకున్నాడు. ఒడిశా నుంచి బెంగళూరుకు వచ్చిన వారం రోజుల్లోనే ఈ విషాదం చోటుచేసుకుంది. వైవాహిక జీవితంలో ఒడిదొడుకులు, భార్య, ఆమె కుటుంబసభ్యుల వేధింపులతోనే తన కుమారుడు బలవన్మరణానికి పాల్పడినట్టు అభినవ్ తండ్రి బిజయ్ ఆరోపించారు. ఈ మేరకు మారతహళ్లి పోలీస్ స్టేషన్‌లో ఆయన ఫిర్యాదు చేశారు. దీంతో కేసు నమోదు చేసిన పోలీసులు.. దర్యాప్తు చేస్తున్నారు.
విషం తాగి ఆత్మహత్య
ఒడిశాలోని కటక్‌కు చెందిన అభినవ్ సింగ్.. జగ్గర్నాట్‌గా గుర్తింపు పొందిన ఒడియా ర్యాపర్. అతడు ఫిబ్రవరి 9న బెంగళూరులోని కడుబీసనహళ్లిలోని తాను అద్దెకు ఉండే అపార్ట్ మెంట్‌లో విషం తాగి ఆత్మహత్యకు పాల్పడ్డాడు. ఆ రోజు రాత్రి స్నేహితులతో కలిసి డిన్నర్‌కు వెళ్లిన అభినవ్.. తన గదికి తిరిగొచ్చిన తర్వాత విషం తాగాడు. ఈ ఘటన గురించి సమాచారం అందుకున్న పోలీసులు ఘటనాస్థలికి చేరుకుని, మృతదేహాన్ని స్వాధీనం చేసుకున్నారు. ఆత్మహత్యగా కేసు కేసు నమోదు చేసి.. పోస్టుమార్టం అనంతరం మృతదేహాన్ని అభినవ్ కుటుంబానికి అప్పగించారు.
బంధువుల వేధింపులే కారణమా?
అభినవ్ సింగ్ ఆత్మహత్యకు భార్య, ఆమె తరఫు బంధువుల వేధింపులే కారణమని మొత్తం 10 మంది పేర్లను పోలీసులకు చేసిన ఫిర్యాదులో అతడి తండ్రి పేర్కొన్నాడు. ఒడియా ర్యాప్ సాంగ్స్‌తో అభినవ్ పాపులర్ అయ్యారు. కథక్ ఆంథమ్ సాంగ్ సూపర్ హిట్‌గా నిలవడంతో మరింత ఒడియాలో మంచి గుర్తింపు తీసుకొచ్చింది. చాలా మంది ప్రముఖ కళాకారులతో కలిసి పని చేశాడు. భార్యతో వివాదాల వల్లే ఆత్మహత్య చేసుకున్నాడని బాధిత కుటుంబం ఫిర్యాదు చేసిందని పోలీసులు తెలిపారు. భార్య వేధింపులా? వేరే ఇతర కారణాలు ఉన్నాయా.. అనే కోణంలో దర్యాప్తు చేస్తున్నట్టు చెప్పారు. అతడు తాగిన విషం? ఏంటనేది తెలియదని.. ల్యాబ్‌ పరీక్షలకు నమూనాలను పంపామని వివరించారు.
మరో మహిళతో సన్నిహితంగా
గతంలో చాలా ఏళ్లు బెంగళూరులోని ఓ ప్రముఖ సంస్థలో ఆటోమేషన్ టెస్టింగ్ ఇంజినీర్‌గా పనిచేశాడు. గతేడాది భువనేశ్వర్‌లోని ఓ హోటల్‌లో మరో మహిళతో ఉండగా.. భార్య‌కు రెడ్ హ్యాండెడ్‌ దొరికిపోయినట్టు స్థానిక మీడియా తెలిపింది. అప్పట్లో వీడియో సోషల్ మీడియాలో వైరల్ కాగా.. ఇది కుట్రపూరితంగా జరిగిందని అభినవ్ ఆరోపించారు. తన మ్యూజిక్ ఆల్బమ్ విడుదల కాకుండా అడ్డుకోడానికే కుట్రలు చేశారని తెలిపారు.
సిరియా దశాబ్దాల అంతర్యుద్ధం తర్వాత సంక్లిష్ట దశను ఎదుర్కొంటోంది. తిరుగుబాటు గ్రూపులను విజయపథంలో నడిపించిన తర్వాత, తాత్కాలిక అధ్యక్షుడు అహ్మద్ అల్-షరా దేశాన్ని ఏకం చేసే ప్రయత్నాలు Read more
ఎయిమ్స్‌ ఎమర్జెన్సీలో మాజీ ప్రధాని డాక్టర్ మన్మోహన్ సింగ్ మాజీ ప్రధాని డాక్టర్ మన్మోహన్ సింగ్ గురువారం రాత్రి ఢిల్లీలోని ఆల్ ఇండియా ఇన్‌స్టిట్యూట్ ఆఫ్ మెడికల్ Read more
'డర్టీ పాలిటిక్స్ ఆపండి': మన్మోహన్ స్మారకంపై రాజకీయ హోరా హోరి మాజీ ప్రధాని మన్మోహన్ సింగ్ స్మారక చిహ్నం కోసం కేంద్రం ఎందుకు స్థలాన్ని కనుగొనలేకపోయిందని, ఇది Read more
భారత ప్రభుత్వ రైల్వే మంత్రిత్వ శాఖ ఆధ్వర్యంలోని రైల్వే రిక్రూట్‌మెంట్ బోర్డు (ఆర్‌ఆర్‌బీ) దేశవ్యాప్తంగా ఉన్న అన్ని రైల్వే జోన్లలో గ్రూప్-డి పోస్టుల భర్తీకి నోటిఫికేషన్ విడుదల Read more