Ratan Tata : రతన్ టాటా వీలునామాలో ఆసక్తికర అంశాలు.. గత ఏడాది అక్టోబర్ 9న కన్నుమూశారు భారతీయ పారిశ్రామిక రంగంలో గొప్ప మార్గదర్శిగా నిలిచిన ఆయన తన ఆస్తులను ఎలా విభజించారనే విషయంపై పెద్ద ఎత్తున చర్చ జరుగుతోంది. తాజాగా, ఆయన వీలునామా వివరాలు వెల్లడయ్యాయని జాతీయ మీడియాలో కథనాలు వెలువడ్డాయి.రతన్ టాటా తన సంపదలో అధిక శాతాన్ని సేవా కార్యక్రమాలకు కేటాయించారు. అతని పేరుతో ఉన్న ఎండోమెంట్ ఫౌండేషన్ వివిధ ట్రస్టులకు దాదాపు రూ.3,800 కోట్లు విరాళంగా ఇచ్చారు. టాటా సన్స్‌లో ఉన్న వాటాలతో పాటు ఇతర ఆస్తులను కూడా ఇందులో చేర్చారు.
ఒకవేళ ఈ షేర్లను విక్రయించాల్సి వస్తే, ప్రస్తుత వాటాదారులకే అమ్మాలని ఆయన వీలునామాలో స్పష్టంగా పేర్కొన్నారు.తన సవతి సోదరీమణులు శిరీన్ జజీభోయ్ దియానా జజీభోయ్‌లకు రూ.800 కోట్ల విలువైన ఫిక్స్‌డ్ డిపాజిట్లు స్టాక్స్, ఖరీదైన వాచ్‌లు పెయింటింగ్స్ వంటి విలువైన వస్తువులు అందజేశారు.టాటా గ్రూప్ మాజీ ఉద్యోగి రతన్ టాటాకు అత్యంత సన్నిహితుడైన మోహిన్ ఎం.దత్తాకు రూ.800 కోట్ల ఆస్తులను అప్పగించారు.రతన్ టాటా సోదరుడు జిమ్మీ నావల్ టాటాకు జుహులోని బంగ్లాలో వాటా, వెండి వస్తువులు, బంగారు ఆభరణాలను ఇచ్చారు.ఇక అలీబాగ్‌లో ఉన్న బంగ్లాను మూడు పిస్టోళ్లను తన ప్రియ మిత్రుడు మెహిల్ మిస్త్రీ పేరిట రాసినట్లు తెలుస్తోంది.జీవనకాలంలో వీధి కుక్కల సంరక్షణకు ఆసుపత్రులను ఏర్పాటు చేసిన రతన్ టాటా, వాటి సంరక్షణ కోసం రూ.12 లక్షల నిధులను ఏర్పాటు చేశారు.ప్రతి మూడు నెలలకు రూ.30,000 చొప్పున ఖర్చు చేసేలా నిధులను కేటాయించారు.తన జీవితాంతం తనకు తోడుగా ఉన్న శంతను నాయుడు విద్యా రుణాన్ని పూర్తిగా మాఫీ చేశారు. తన పొరుగింట్లో ఉండే జేక్ మాలిటే అనే వ్యక్తికి ఇచ్చిన రూ.23 లక్షల అప్పును కూడా రద్దు చేశారు.రతన్ టాటాకు విదేశాల్లో రూ.40 కోట్ల విలువైన ఆస్తులు ఉన్నట్లు సమాచారం.
సీషెల్స్‌లో భూములు, మోర్గాన్ స్టాన్లీ, వెల్స్ ఫార్గో వంటి ఆర్థిక సంస్థల్లో బ్యాంకు ఖాతాలు ఉన్నట్లు తెలిసింది. ఆల్కోవా కార్పొరేషన్, హౌమెట్ ఏరోస్పేస్ వంటి అంతర్జాతీయ సంస్థల్లో షేర్లు కూడా ఉన్నాయి.అయన వద్ద 65 ఖరీదైన చేతి గడియారాలు ఉన్నట్లు సమాచారం.ఈ వీలునామా 2022 ఫిబ్రవరి 23న రాశారు. దీనిపై ప్రస్తుతం బాంబే హైకోర్టులో పిటిషన్ దాఖలైంది. ఆస్తుల కేటాయింపు ప్రక్రియ పూర్తికావడానికి మరో ఆరు నెలల సమయం పడే అవకాశం ఉంది.
ఢిల్లీ అసెంబ్లీ ఎన్నికల ఫలితాల వేళ ఆమ్ ఆద్మీ పార్టీ రాజ్యసభ ఎంపీ స్వాతి మాలీవాల్ చేసిన ట్వీట్ వైరలవుతోంది. ఎలాంటి స్టేట్మెంట్ ఇవ్వకుండా కేవలం 'ద్రౌపది Read more
ఢిల్లీలో ఇంటింటి ప్రచారం చేస్తున్న ఆమ్ ఆద్మీ పార్టీ (ఆప్) నేత, మాజీ ముఖ్యమంత్రి అరవింద్ కేజీవాల్ కాన్వాయ్‌పై దుండగులు రాళ్లతో దాడి చేశారు. ఈ ఘటనతో Read more
ప్రధాని నరేంద్ర మోదీ ఢిల్లీలో బీజేపీ అభ్యర్ధుల ప్రచారంలో పాల్గొని, ఆర్‌కే పురంలో ఓ భారీ సభను నిర్వహించారు. 11 ఏళ్ల ఆమ్ ఆద్మీ పార్టీ పాలనపై Read more
సునీతా విలియమ్స్ తండ్రి దీపక్ పాండ్య గుజరాత్ రాష్ట్రంలోని ఝులసన్ గ్రామానికి చెందిన వ్యక్తి. ఆయన 1957లో మెడిసిన్ (M.D.) విద్యను పూర్తి చేసి, అమెరికాకు వెళ్లారు. Read more