గ్లోబల్ స్టార్ రామ్ చరణ్ తన 40వ పుట్టినరోజును అభిమానుల ప్రేమాభిమానాల నడుమ ఘనంగా జరుపుకున్నారు. ప్రపంచవ్యాప్తంగా ఆయనకు ఉన్న ఫ్యాన్స్ సోషల్ మీడియా ద్వారా విషెస్ చెబుతూ తమ అభిమానాన్ని చాటుకున్నారు. ప్రత్యేకంగా, జపాన్‌కు చెందిన ఓ మహిళ తన అభిమానాన్ని అద్భుతంగా వ్యక్తపరిచింది.
జపాన్‌లో రామ్ చరణ్ పై అభిమానం
రామ్ చరణ్ అంటే ప్రత్యేకమైన అభిమానాన్ని కనబరిచే ఓ జపాన్ మహిళ తన చీరపై తెలుగులో ‘రామ్ చరణ్’ అని రాయడమే కాకుండా, చెర్రీ ఫొటోను కూడా ముద్రించుకుంది. అంతే కాకుండా, ఒక ప్రత్యేక టేబుల్ ఏర్పాటు చేసి, రాంచరణ్ ఫొటోలను దానిపై ఉంచి బర్త్ డే వేడుక జరిపింది. తన టీషర్టులపై, సంచులపై, ఇతర వస్త్రాలపై కూడా చెర్రీ ఫొటోలను ముద్రించి తన ప్రేమను వ్యక్తపరిచింది. ఈ చిత్రాలు సామాజిక మాధ్యమాల్లో విపరీతంగా వైరల్ అవుతున్నాయి. ఇక రామ్ చరణ్ పుట్టినరోజు సందర్భంగా మేకర్స్ ఆయన తాజా చిత్రం ఆర్‌సీ 16 ఫస్ట్ లుక్‌ను విడుదల చేశారు. బుచ్చిబాబు సానా దర్శకత్వంలో రూపుదిద్దుకుంటున్న ఈ సినిమాకు ‘పెద్ది’ అనే టైటిల్‌ను ఖరారు చేశారు. పోస్టర్‌లో రామ్ చరణ్ గుబురు గడ్డం, పొడవాటి జుట్టుతో ఊరమాస్ లుక్‌లో అదరగొట్టారు. ఈ చిత్రంలో రామ్ చరణ్ సరసన బాలీవుడ్ నటి జాన్వీ కపూర్ కథానాయికగా నటించనుండగా, శివరాజ్ కుమార్, బాలీవుడ్ నటుడు దివ్యేందు, జగపతిబాబు వంటి ప్రముఖులు కీలక పాత్రల్లో కనిపించనున్నారు. సెన్సేషనల్ మ్యూజిక్ డైరెక్టర్ ఏఆర్ రెహమాన్ సంగీతాన్ని అందిస్తుండగా, మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. భారీ బడ్జెట్‌తో తెరకెక్కనున్న ఈ సినిమా, చెర్రీ కెరీర్‌లో మరో మైలురాయిగా నిలవనుంది. రాంచరణ్ 40వ పుట్టినరోజును పురస్కరించుకుని అభిమానులు ఆయన సినీ ప్రయాణాన్ని గుర్తుచేసుకుంటున్నారు. మెగాస్టార్ చిరంజీవి వారసుడిగా సినీ ఇండస్ట్రీలో అడుగుపెట్టి, ‘మగధీర’, ‘రంగస్థలం’, ‘ఆర్‌ఆర్‌ఆర్’ వంటి బ్లాక్‌బస్టర్లతో తనకంటూ ఓ ప్రత్యేకమైన గుర్తింపు తెచ్చుకున్నాడు. పాన్ ఇండియా స్థాయిలో తనను ప్రూవ్ చేసుకున్న చెర్రీ, ఇప్పుడు గ్లోబల్ స్టార్‌గా ఎదుగుతున్నారు. ఈ బర్త్‌డే సందర్భంగా ప్రపంచవ్యాప్తంగా రాంచరణ్ ఫ్యాన్స్ భారీ సంబరాలు చేసుకున్నారు.
బాలీవుడ్ నటి జాన్వీ కపూర్ ఎంతో తక్కువ సమయంలోనే భారీ ఫాలోయింగ్‌ను సంపాదించుకుంది. ఆమె తెరంగేట్రం ధడక్ చిత్రంతో జరిగింది, మరియు ఆ చిత్రంతోనే సూపర్ హిట్ Read more
చిరంజీవి అంటేనే మాస్.ఊర మాస్! అయితే, ఇటీవలి కాలంలో మెగాస్టార్ మాస్ యాంగిల్ కనిపించడంలేదు అని భావిస్తున్న ఫ్యాన్స్ కొంతకాలంగా బాధపడుతున్నారు.వారంతా చిరంజీవి తన వింటేజ్ మాస్ Read more
దిల్ రాజు పైన విమర్శలు తెలుగు సినిమా పరిశ్రమలో ప్రముఖ నిర్మాత దిల్ రాజు, ఇటీవల తన అభిప్రాయాలను బలంగా ప్రకటించారు. సినిమా పైరసీ సమస్యపై ఆయన Read more
నిత్యానంద స్వామి, వివాదాస్పద ఆధ్యాత్మిక గురువు, చనిపోయినట్లు చెప్పిన విషయం మంగళవారం వెలుగులోకి వచ్చింది. ఆయన మేనల్లుడు సుందరేశ్వర్ ఈ విషయాన్ని వెల్లడించారు. దీని తర్వాత నెట్టింట్లో Read more